Home Cultura Monumentenbureau ta yuda mantene historia bibo di Aruba

Monumentenbureau ta yuda mantene historia bibo di Aruba

60
0
SHARE
- Advertisement -

ORANJESTAD(AAN): Manera DIARIO a trece dilanti caba, na Aruba, ademas di e estudio cu Monumentenbureau a haci, pa traha un rapport riba e dibuhonan y casnan floria, nan ta ocupa den e parti tecnico cu full e team actualmente, a bay den veld y nan ta midiendo cada dibuho.

Tin cu bisa cu a haya mas di 50 tipo di dibuho riba nos edificionan y esey ta algo unico pa Aruba.

Tin cu pone enfasis, segun Webb-Kock, ta na Aruba so a haya e dibuhonan aki riba muraya.

Esaki ta hopi importante pa e worde documenta y pa e no bay perdi y pa keda registra pa e siguiente generacionnan. Actualmente ta asina leu tambe cu ta midi tur cos na man riba e edificio di e dibuhonan y ta hincando y pintando tur e dibuhonan den computer tambe. No ta un trabao facil.

E ta un trabao cu basta luna ta bezig cun’e y e motibo tambe ta cu despues cu loke ta compila y hinca hunto pa por ofrece esaki na e minister nobo y alavez tambe pa esaki worde uza pa bay duna charla na school. Actualmente Monumentenbureau ta haciendo charlanan na school. Esaki ta di dos grupo cu nan lo uza di informacion cu monumentenbureau lo comparti y pa educa nos muchanan na school tambe riba e dibuhonan. Mirando tur esaki, no sa e resultado final ainda di e rapport. E rapport mester ta cla pa mita di December. E ora ey lo sigui cu e siguiente fasenan di compila, pa prepara materialnan tambe pa school.

Monumentenbureau tin diferente tarea pa mantene nos historia. Tin algun cos cu ya nan a haci den pasado. Yvonne Webb-Kock a splica cu nan a haci un estudio riba nos casnan di cunucu. Kico ta e elementonan tipico di Aruba. Esey tambe ta uzando esaki actualmente den un charla.

Otro siman nan lo manda un articulo con esey ta siguiendo. Tambe nan a sigui un estudio riba art deco na Aruba, riba su colornan unico. Esey tambe a worde studia caba y asina a sigui den materianan di edificio.

Banda di e parti tecnico, nan ta encarga cu e produccion di nos edificionan. Nan ta encarga cu duna informacion. E materianan ta asina grandi cu ta bezig cun’e. Ta duna permiso pa monumento. Ta guia doñonan con pa drech’e, pa nan keda den reglanan. A caba di traha reglanan “Monumenten Handboek Aruba”, cu ta stipula exactamente kico mag y kico no mag na un monumento. El a worde aproba pa minister Otmar Oduber. Tambe e reglanan di permiso. A duna varios permiso caba. Ta protehando 36 monumento actualmente.

Mayoria di e edificionan monumental actualmente, ta den propiedad di hende, y no di Gobierno. Di full e lista, cu nan ta evaluando pa proteccion, 10% so ta propiedad di gobierno. Esey ta un informacion cu nos hendenan mes mester bay cuida nan, pa nan no bay perdi, segun Yvonne Webb-Kock.

 

- Advertisement -

DUNA COMENTARIO

Please enter your comment!
Please enter your name here