Home Actividad Especial Nature and Faces dedica na fotografonan di Aruba

Nature and Faces dedica na fotografonan di Aruba

24
0
SHARE
- Advertisement -

November 24,25,26, 2017 ta Aruba Art Fair na San Nicolas

ORANJESTAD  (AAN):  Tur aña, Pure Aruba Events Foundation, organizador di Aruba Art Fair, ta trata di trece innovacion den diferente area di Arte pa asina trece e comunidad mas cerca di artistanan, mas serca di nan creacionnan y a lo largo envolvi comunidad henter cu un solo meta: haci di Aruba un Isla di Arte y promove Cultura mucho mas ainda.

Na 2016, Aruba Art Fair a dedica na e competencia Culinario cu tabata uno exitoso, na unda e scolnan EPB y EPI a participa den un competencia Culinario. E competencia culinario lo bolbe back den 2018, ya cu e aña aki Aruba Art Fair ta dedica na e competencia di Fotografia, brindando tur fotografo na Aruba e oportunidad pa gana un exposicion internacional di nan potret den e prestigioso City Hall na Doral Florida.

E competencia tin dos categoria: e naturalesa di Aruba y e caranan di Aruba. Tur fotografo por participa na e competencia door di manda nan miho potret di Aruba su naturalesa y/of nan miho potret di e cara(nan) di Aruba su hendenan.

Un prome seleccion di e top 5 potretnan den cada categoria lo wordo escogi pa Xclusivo Magazine, Focus Magazine, Island Temptation, Aruba Nights, Express Magazine y un representante di Aruba Tourism Authority como tambe un representante di e City Hall di Doral Florida.

E 10 potretnan aki lo wordo imprimi y exponi na Aruba Art Fair unda cu tur bishitante di e feria por vota pa nan favorito. E dos potretnan ganador, uno di cada categoria, lo wordo transporta pa Doral Florida.

Tur fotografo por registra via e website di Aruba Art Fair, www.arubaartfair.com. E ultimo dia pa registra ta 20 di November proximo.

Un di e huradonan, Tina Escobedo di Island Temptation, a expresa su entusiasmo pa e competencia aki. “Mi ta haya e competencia un gran iniciativa pa encurasha creatividad entre nos fotografonan local y inicia asina un exploracion di nos tesoronan scondi cu ta forma parti di loke ta Aruba su naturalesa. Pero tambe di demostra e beyesa di e cara Arubiano y su diversidad” Tina ta referi.

Fotografonan local ya caba a cuminsa manda nan potret mientras otronan ta contemplando ideanan di na unda y kico nan kier saca pa asina participa na e competencia. Na momento cu a acerca Julia Renfro, cu añanan largo ta saca potretnan sublime di Aruba su naturalesa y puntre si e kier participa, organisadornan a haya un smile, un grito di jubilo y un ok grandi. E hoben fotografo Ayrton Tromp tambe ta impresiona cu e competencia. Ayrton ta haci uzo di su camara den tur dos categoria y tin fotografia como su trabao diario. “E tema Nature & Faces ta algo cu masha hopi ta practica den dje, pero nunca ta haya e sosten of push. Pesey e competencia aki ta super great. Mi ta looking forward pa wak e creacion di tur e otronan. Y ademas cu tur Magazines kier sera cabes pa selecta e mihonan ta indicacion caba cu e ta algo serio,” e hoben y talentoso fotografo ta enfatisa. “Nos mester corda cu fotografia tambe ta un arte,” Ayrton ta termina bisando.

Ralph Romson, iniciador y propietario di Aruba House na Doral Florida, sister Cities of Aruba, ta sumamente comovi cu e por ilustra parti di Aruba su arte fotografico den e Economic Center at City Hall, Doral Florida. Desde Aruba Art Fair 2016, Romson ta den contacto cu Aruba Art Fair y a inclui e idea como esun mas pionero pa 2017.

Un Danki sigur ta bay na tur esunnan cu ya a inscribi. Esunnan cu ainda no a manda nan potret ta keda invita pa bishita www.arubaartfair.com

 

- Advertisement -

DUNA COMENTARIO

Please enter your comment!
Please enter your name here