Home Suceso Negoshi cu ta bende aparato contra candela a kima den madruga

Negoshi cu ta bende aparato contra candela a kima den madruga

86
0
SHARE
- Advertisement -

ORANJESTAD(AAN): — Diahuebs alrededor di 4 or di madruga a bati alarma pa un candela grandi patras di CMB Boulevard, na e cruzada di Franklinstraat y Bellstraat.

A despacha dos unidad di Brandweer pa e sitio, for di Aeropuerto y Tanki Flip. Na e sitio a topa cu e edificio di Visser Cargo y Mazuga Fire Protection completamente na candela.
Ing. Edward de Cuba, Comandante di Cuerpo di Bombero y Ferdinand Ponson cu ta vocero di Cuerpo di Bombero, a bisa na e sitio cu e candela tabata hopi grandi y a uza un formula di atake di pafo y drenta .

E ta referi cu a purba salba e otro edificionan y capitalnan inverti alrededor di e dos edificionan na candela pa despues yega na esunnan cu tabata ya domina pa vlamnan grandi di candela.

A scucha varios explosion durante combatimento di e candela, di cual ta sospecha cu lo por ta e forklifternan di gas cu ta uza den e compania di carga y otro materialnan cu tin warda den e warehouse di e compania di carga.

Pa por a combati e candela, a uza 3 unidad, incluyendo e Hoogwerker cu a duna un bon man den atake for di halto na e punto central di e candela. A haya awa for di e hydrantnan riba LG Smith Boulevard y for di Arendstraat.

Cuerpo di Bombero a pidi Polis pa cera henter e area pasobra e trabounan lo continua pa basta largo y no sa ainda den ki estado e infrastructura di staal di e edificionan lo keda ora cu caba di combati e candela.

- Advertisement -

DUNA COMENTARIO

Please enter your comment!
Please enter your name here