Home Parlamento “Nos por traha den coalicion, nos ta traha den coalicion y nos...

“Nos por traha den coalicion, nos ta traha den coalicion y nos ta bay ta un exito den coalicion”

53
0
SHARE
- Advertisement -

Ricardo Croes:

ORANJESTAD(AAN): Partido RED y su lider Ricardo Croes a sorprende bastante hende riba 22 di September, ora cu Croes a haya mas cu 3 mil voto y RED a haya 1 asiento den parlamento.

Pa RED tabata un grato noticia, ora cu Formador Evelyn Wever Croes riba conseho a dicidi di inclui e partido blanco den e coalicion di MEP y POR, pa forma un Gobierno cu un base mas solido.

Diahuebs despues cu e Formador a anuncia cu Aruba tin un Gobierno nobo cu ta inclui Dr. Rudy Lampe di RED como Minister di Enseñanza, Ciencia y Desaroyo Sostenible, lider di RED Ricardo Croes a hiba palabra.

“Nos a keda cla, Aruba tin su Gobierno y esey ta cos di celebra”.

“A pasa casi 5 siman di sinta hunto, bati cabez hunto, dialoga y bay bin y e no tabata asina facil, sinembargo e tabata fructifero”.

“Nos di RED a keda masha contento cu e ministerio cu nos a haya na nos encargo y nos ta priminti di hasi un trabao cabal den e ministerio aki”.

Esaki segun Croes, kende a sigui bisa cu e ta duda seriamente cu su coleganan den e coalicion tin otro intencion.

“Nos intencionnan ta pa mustra pais Aruba cu nos por traha den coalicion, nos ta traha den coalicion y nos ta bay ta un exito den coalicion”.

Esaki segun e lider di RED, kende a indica cu apesar cu tur tres partido den coalicion a core un campaña basa riba 7 minister ta bay traha cu 8 minister, mirando cu pueblo a dicidi di duna Aruba un Gobierno di coalicion di 3 partido.

“Esaki a pone cu pa nos por a topa otro y tur hende por a sinti nan honra cu nan asientonan y e reparticion, esaki a bay a base di 8 minister”.

“Nos a debati y kibra cabez un poco riba esaki, pasobra tur partido toch tabata tin un tiki ‘issue’ cu e hecho cu nos a campaña cu 7 Ministerio y aworaki nos ta hala for di dje”.

“Sinembargo, nos ta hende realistico y responsabel y nos sa cu e ta imposibel pa hasie cu 7 minister”, segun Croes.

 

 

- Advertisement -

DUNA COMENTARIO

Please enter your comment!
Please enter your name here