Home Social Otro reduccion riba derecho di pension AOV adkiri na Curacao pa esnan...

Otro reduccion riba derecho di pension AOV adkiri na Curacao pa esnan cu a bay biba afo

22
0
SHARE
- Advertisement -

ORANJESTAD (AAN) – Pensionadonan na Aruba, cu ta haya un parti chikito di nan pension di AOV, for di Curacao, a keda masha decepciona cu un carta cu nan a haya for di SVb Curacao.

E carta ta un aviso cu for di entrante 1 di Januari, nan pension ta wordo cremencha cu otro diez porciento, di loonbelasting.

Ya caba aña pasa nan a reduci 10 porciento di nan suma di pension y banda di esaki nan bonus di Pasco a wordo kita completamente, y awor ta bin resulta cu nan lo reduci otro diez porciento.

No tin nada di straño cu pa e aña cu ta bin nan wordo avisa cu for di Curacao nan no ta haya ni un debchi mas. Esaki ta un sorto di represalia, segun algun pensionado ta mire, pa motibo cu nan no ta bibando na Curacao mas.

Sinembargo, den e caso contrario di pensionadonan di AOV na Curacao cu ta ricibi un parti for di Aruba no ta confrontando e mesun situacion. Nunca SVb Aruba a manda bisa nan cu pasobra nan no ta biba na Aruba nan tin cu elimina nan bonus, ni cu tin cu kita 10 porciento for di nan y awor un 10 porciento mas di loonbelasting.

Conclusion cu e pensionadonan afecta tin, ta cu e situacion financiero di Curacao mester ta hopi malo compara cu esun di Aruba, y e hecho cu SVb Curaco (lesa gobierno) ta cremencha tanto riba e pension cu esnan cu a biba aya a haya derecho riba dje, pero cu pasobra nan a bay biba pafo di e isla awor poco, ta mustra cu nan ta perdiendo e derecho di haye.

- Advertisement -

DUNA COMENTARIO

Please enter your comment!
Please enter your name here