Home Parlamento Pa prome bes presidencia di Parlamento ta den man di dos funcionario...

Pa prome bes presidencia di Parlamento ta den man di dos funcionario policial

107
0
SHARE
- Advertisement -

Presidente di Parlamento Guillfred Besaril:

ORANJESTAD (AAN): Diabierna dia 17 di November 2017 tabata un dia masha particular pa Pais Aruba. No solamente a yama “Bon Bini” na Gabinete Wever-Croes 1 pero na mes momento su mainta un otro momento realmente historico pa nos pais a tuma lugar na momento cu e Presidencia di su Parlamento, cual ta e organo mas halto den nos Constitucion, a keda den man di dos funcionario policial.

Manera ta conoci desde cu Parlamento nobo a keda instala despues di eleccion di 27 di October ultimo, sr. Guillfred Besaril a keda eligi como presidente di Parlamento. Den corto tempo ya sr. Besaril a dirigi varios reunion importante pa Aruba, esaki den un forma respetuoso y elocuente, poniendo respet mutuo na prome luga.

Ta pa prome bes den historia di Aruba cu un persona di profesion di agente policial a keda escogi den e posicion di Presidente di Aruba su parlamento. Diabierna cu a pasa a toca turno na sr. Alan Howell, kende tambe a fungi como polis den Cuerpo Policial di Aruba, na marca historia na momento di a keda scogi como presidente suplente di Parlamento Arubano.

“Pabien Cuerpo Policial di Aruba, masha danki pa e formacion profesional cu tanto mi persona como Honorable Miembro di Parlamento, sr. A.A. Howell a ricibi for di e organizacion policial Arubano”, sr. Besaril a declara na prensa diabierna ultimo.

Pa termina presidente saliente di Parlamento a desea su sucesor sr. Alan Howell tur clase di exito, tanto como parlamentario como e presidente suplente di Staten di Aruba.

 

- Advertisement -

DUNA COMENTARIO

Please enter your comment!
Please enter your name here