Home Gobierno PAAZ por tuma 20 pacient psiquiatrico so y mientras 100 ta un...

PAAZ por tuma 20 pacient psiquiatrico so y mientras 100 ta un peliger

28
0
SHARE
- Advertisement -

Minister Dangui Oduber:

ORANJESTAD (AAN) — Den e Conseho di Minister a tuma cierto decisionnan pa por atende e problemanan social cu tin den nos comunidad, di cual un a deriva den e morto di un criatura di cinco aña pa motibo di maltrato cruel.

Pa loke ta trata e maneho di Salubridad Publico, ya caba Minister Dangui Oduber ta parcialmente abordando e situacion.

Den entrevista cu e mandatario, el a duna di conoce cu el a tuma contacto cu señor Ezzard Cilie, director di Hospital, pa asina informa si e persona cu ta aresta actualmente, tabata bao di tratamento psiquiatrico, si e tabata interna.

Pero e problema pa e tipo di casonan aki ta grandisimo na Aruba. Den un briefing ricibi for di sr. Lito Lacle, vocero di Cuerpo Policial, a haya e informacion cu tin mas of menos 1400 persona cu tin problema psiquiatrico na Aruba, di cual casi 100 ta un peliger pa comunidad y pa nan mes. Fuera di esey, e capacidad di PAZZ pa trata e personanan aki ta sumemente limita.

Un peliger agudo, cu ta bisa cu e casonan aki por ripiti nan mes, si no tin procedurenan na nan luga, si no atende cu urgencia e problemanan aki.

Minister Oduber a indica cu esaki ta algo cu tin atencion special di e gobernacion aki, ya cu ta casonan sumamente lamentable y no kier pa ripiti nunca mas.

Den Conseho di Minister awe, lo apunta un comision nacional pa atende esaki inmediatamente, revisa tur structura, tur proceso, pa purba evita ya cu no por bisa cu e lo no bay pasa nunca mas. Sigur bo kier purba mas posibel pa preveni pa casonan asina lamentable tuma luga.

“Tin como 100 persona, cu ta un peliger pa nan mes y pa comunidad, mientras cu na PAAZ tin 20 luga so pa nan. Ta keda 80 cu mester di ayudo mental, cu mester di un guia y yudanza, pero simplemente bo no tin e espacio pa yuda e personanan aki” Minister Dangui Oduber a declara.

El a agrega cu falta ley y mester revisa e leynan existente. “Ora cu autoridadnan actua, mester tene cuenta cu leynan cu ta bisa di priva un hende di su libertad. Mester atende cu e asuntonan aki, unda cu lo apunta un comision, cu lo revisa full e proceso y pone na su luga, kico ta e procedure cu nos como gobierno, como stakeholder tin cu pone na nan lugar, pa evita e casonan lamentable aki” e dignatario a expresa.

Na e momentonan aki, ora tende di esnan cu ta den e veld, manera KPA, ta bisa cu tin procedurenan in place, ora cu CP haya un melding, cu tin un problema cu un persona cu mester ayudo psiquiatrico, polis ta wordo despacha pa e cas, y ora ta yega na e cas ta topa cu un persona cu ta un menaza pa nan y pa su mes.

Dialuna caba lo manda un carta pa SVb, pa por favor, traspasa pa Central di Polis, tur informacion cu nan tin riba personanan cu ta un problema pa nan mes y comunidad, pa ora nan haya un melding, nan sa caba con pa atende esaki.

“Cosnan cu normalmente mester ta in place caba pa evita e problemanan aki, cu ta hopi serio ya cu tabata tin un caso di un polis cu a wordo herida mortalmente, ken tabata traha den problema psiquiatrico.

“Den e caso aki, nos no sa ainda si esey ta e caso y pesey a pidi informacion di Director di Hospital, pa informa Ministerraad si esey tabata e caso” Minister di Salubridad Publico, señor Dangui Oduber a duna di conoce.

 

- Advertisement -

DUNA COMENTARIO

Please enter your comment!
Please enter your name here