Home Hudicial Padrastro parce di ta un persona hopi violento y tabata envolvi den...

Padrastro parce di ta un persona hopi violento y tabata envolvi den morto di ambos mucha

2015
0
SHARE
- Advertisement -

ORANJESTAD(AAN): Aruba completo a keda den shock ora cu Diamars merdia, autoridad a revela cu nan a descubri e cadaver di e mucha homber Eugene di 3 aña di edad, y cu ta perdi pa 2 luna.

Hans Klaver ta Hoofdofficier den e asina yama “Caso Eugene”, cu lamentablemente tabata tin un desenlace tristo.

E hobencito di 3 aña cu Aruba henter tabata en busca, a worde haya sin bida.

Fiscal Klaver a comenta, cu e padrastro a duna declaracionnan unda cu el a admiti, y a duna indicacion unda e curpa di e mucha tabata dera.

Diamars mainta mes autoridad a haci un investigacion den e vecindario di Savaneta, y a bay coba riba un tereno publico habri.

Lamentablemente a bin haya en berdad e cadaver di e mucha, ya caba den estado di descomposicion.

Esaki sigur ta un noticia teribel, banda di esun cu ya ta conoci caba den comunidad, di e mucha Roshandroh di 5 aña, kende a fayece Diabierna pasa den Hospital.

Por bisa hopi cos di e padrastro, pero a bin saca afo for di dje, cu e tabata envolvi den morto di ambos mucha. E investigacion ainda ta andando, y keto bay en total tin 3 hende deteni.  E padrastro hunto cu e mama, y tambe e wela.

Hoofdofficier Klaver no por a bisa mucho cos mas di e caso, pasobra e no kier stroba e investigacion cu tin di sigui riba e caso aki.

E funcionario a sigui splica durante di e conferencia di prensa yama cu urgencia Diamars merdia, cu tin varios aspecto di e caso aki no por wordo divulga, ni cuanto tempo e curpa tin dera.

E caso aki sigur ta uno complica, segun mr. Klaver y ta considera esaki como un homicidio culposo (Dood door schuld).

PADRASTRO AGRESIVO:

For di declaracionnan di miembronan di famia, ta mustra cu e Padrastro ta un persona hopi violento y celoso.   E ta tuma actitud agresivo ora cu e tata biologico yega pa check su yiunan.   Famianan a bisa cu e ta menaza e tata biologico hasta cu arma.

Y semper nan tabatin un excusa pakico Eugene no tey.  Excusa manera e.o. cu e ta na un tanta, etc.

E odio cu e Padrastro tin riba e tata biologico, por splica pakico realmente el a baha su rabia riba e dos criaturanan aki, den un forma asina macabro.  No ta conoci di con e Mama a laga su compañero haci tur esaki.

E padrastro tin un yiu mas chikito tambe cu e mama, y aparentemente e mucha aki si ta den bon salud, cu ningun señal di maltrato.

Un miembro di famia a revela, cu tempo cu e mama tabata na estado cu su di 3er baby, cu e Padrastro aki a propine un hinca tambe.  E tabata encarcela caba pa algun tempo den Prison di KIA.

BABYNAN DEN CASA CUNA:

A sali na cla tambe, cu como 3 aña pasa, autoridadnan a actua riba e famia y a pone tanto Roshandroh y baby Eugene den Casa Cuna pa nan haya cuido.

Pero despues a dicidi na duna Roshandroh y Eugene bek na e mama, y awor tur hende por mira con mahos nan destino tabata.  Hopi hende ta puntra, di con autoridad no a sigui haci follow-up cu e famia pa garantiza cu e bienestar di e dos muchanan ta protehi.

Hopi pregunta, hopi teoria, y ta te dia cu e caso aki aparece dilanti Huez, e dia ey numa lo por haya contesta pa tur esaki.  Pero den boca di pueblo, tur dos ya caba a haya e apodo “Burdugo”.

Na famia di e fayecidonan, specialmente su tata biologico Orlando, ta bay palabranan di condolencia.

- Advertisement -

DUNA COMENTARIO

Please enter your comment!
Please enter your name here