Home Remitido Pakico kibra y ta rechaza otro, siendo cu boso mester stima otro...

Pakico kibra y ta rechaza otro, siendo cu boso mester stima otro na bida?

72
0
SHARE
- Advertisement -

Remitido

Den Bijbel Dios ta sinja nos, pa nos stima nos prohimo manera nos mes. Anto ta pakico ta kibra y ta rechasa otro, ta pasobra cu tin autoridad pa hacié? E autoridad cu Cristo-Hesus a duna, no ta pa perhudica otro, pero pa cuida y pa stima otro di curason.

Un wardador di carne ta guia su carnenan y ta stimanan manera cu Hesus mes ta stima cada un di nos, nunca Hesus no a perhudica y ni a rechasa nos, pasobra e carnenan por bay perdí of nan por bay den un otro curá. Cristo-Hesus ta E bon wardador cu a entrega Su mes na crus pa salbacion di nos tur y maske cu esnan cu a persiguiel’E, a maltratel’E y a crucificel’E, El a bisa na Dios Tata: “Tata pordona nan, pasobra nan no sa kico nan ta haci.”

Akinan Cristo-Hesus cu ta E bon wardador a pordoná tur esnan cu a persiguiel’E y a crusificel’E. Akinan ta e Ley di amor pa prohimo ta prevalecé, mas cu autoridad. Cristo-Hesus kier pa nos stima otro, manera cu un persona ta. Cristo-Hesus conoce tur nos curasonnan y ta pesey E ta papia di curason pa curason cu amor, cu carinjo y cu comprendimiento.

Cada un di nos cu ta Cristian di berdad, mester papia cu nos prohimonan pa medio di E Sagrado Curason di Cristo-Hesus y no di nos mes curasonnan. Pasobra hopi bes nos curasonnan no ta mira y no ta sinti e amor pa cu otro, pero hopi bes nos curasonnan kier perhudica otro.

Maske cu nos tin autoridad den famia, na trabao, den comunidad, den Parokia etc., pero pa Cristo-Hesus e amor y e stimacion pa prohimo ta na prome lugar, pasobra Cristo-Hesus kier e union y no desunion y ni rechasa otro. Tin biaha hendenan cu tin autoridad, nan mes ta kibra otro y nan mes no ta mira e balornan di otro y di locual cu ta sosodiendo. Den Bijbel Marko 9: 38-40; “E ora Huan a bisa: Maestro, nos a mira un cu ta saca diabel den Bo number, cu no ta sigui nos y nos a tahé, pasobra e no ta sigui nos.

Ma Hesus a bisa: No tahé, pasobra no tin cu ta haci milager den Mi nomber cu por papia malo di Mi. Pasobra tur cu no ta contra nos, ta na nos fabor.” Akinan Cristo-Hesus ta bisa bon cla, no tahé, pasobra no tin cu ta haci milager den Mi nomber, cu por papia malo di Mi.

Akinan, hendenan y e wardadornan di carnenan no ta comprende, si tin milagernan cu ta sosodiendo den nomber di Cristo-Hesus pa basta aña, anto  ta pakico mester perhudica , kibra y rechasá otro? Tambe Cristo-Hesus ta bisa, pasobra tur cu no ta contra nos, ta na nos fabor. Akinan mester comprende, cu nunca e carnenan no ta contra di e wardadornan y ni contra Iglesia. Semper e carnenan ta bay Iglesia, pero ta solamente ta e milagernan di Cristo-Hesus ta  sigui sosodiendo pa trece Su mensahenan pa mundo.

Hende mester biba y actua pa medio di E sagrado Curason di Hesus, pa por stima otro di berdad, pasobra tin biaha nos mesun curasonnan duro, kier stroba y kibra otro. Hende no kier ni mira y ni tende di loke ta sosodiendo, pero nan kier perhudica y pone autoridad ariba otro si. Cristo-Hesus no kier esey, pero E’l kier pa nos comprende otro y pa stima otro di berdad, pasobra Hesus ta bisa bon cla, tur hende cu no ta contra nos, ta na nos fabor.

 

Un Mensahero

(Nomber y adres

conoci pa Redaccion).

- Advertisement -

DUNA COMENTARIO

Please enter your comment!
Please enter your name here