Home Cultura Panama ta celebra awe su Grito di Independencia for di Spaña

Panama ta celebra awe su Grito di Independencia for di Spaña

20
0
SHARE
- Advertisement -

ORANJESTAD (AAN) – Panama ta un pais cu un trayectoria historico hopi interesante, y posiblemente ta e unico na America Latina cu ta celebra tres fecha di independencia.

Dia 3 di November 1903 Panama a independiza for di Colombia, despues di e guera di e mil dianan cu a conclui cu e proclamacion di e Republica di Panama.

E motibo di esaki ta cu despues di su Independencia for di Spaña na 1821, e pais a bira un departamento di Colombia. Awe, dia 10 di November Panama ta celebra e Grito di Independencia for di Spaña, cual a canaliza te dia 28 di November, cu oficialmente a obtene su declaracion di independencia.

Y dia 7 di September 1977, manera ta conoci, Panama a obtene su soberania total despues cu un parti di su teritorio a pertenece na Merca, esta e asina yama Zona di e Canal, cu tabata manera un colonia Mericano den tera Panameño, y cu a culmina cu e firma di e Tratadonan Torrijos- Carter. Asina Panama a recupera su Canal, awendia su pilar economico number uno.

Dia di Grito di Independencia ta wordo celebra en grandi na Panama cu diferente acto cultural y desfilenan escolar publico, principalmente den e lugar yama “La Villa de los Santos”.

Riba dia 10 di November 1821 a keda defini e futuro di Panama. Cu e grito di un heroina di nomber Rufina Alfaro (cu no tur historiador panameño ta reconoce como tal) y un cadena di acontecimento promovi y organiza pa patriota y procernan den Los Santos, Veraguas, Chiriqui, Cocle, Colon y Panama cu a destera e presencia colonial di Spaña, durante e siglo XIX.

Decada tras decada e pueblo di Panama a confirma cu e destino di e pais ta sirbi e mundo, imponiendo un estilo propio di resolve e diferencianan pa medio di dialogo pero cu firmeza, idea y propositonan solido.

Awe ta un dia nacional cu hopi evento Patriotico, bishita pa cantidad di turistanan tambe tanto di e istmo centroamericano como di Sudamerica y Caribe, y segun DIARIO por a compronde tin Arubianonan tambe cu ta bay Panama pa e fecha aki. Masha pabien na e residentenan Panameño biba na Aruba.

- Advertisement -

DUNA COMENTARIO

Please enter your comment!
Please enter your name here