Home Parlamento Parlamentario Endy Croes cu preguntanan rond di revista Aruba Dushi Tera

Parlamentario Endy Croes cu preguntanan rond di revista Aruba Dushi Tera

105
0
SHARE
- Advertisement -

Placa pa ruman di Mike Eman y vlam eterno

ORANJESTAD (AAN): Tur parlamentario segun ley tin e derecho di hasi preguntanan por escrito na tur minister.

E minister na su turno tin cu manda esaki pa e departamentonan, formula e contestanan y esaki lo yega bek na parlamento.

Parlamentario di MEP Endy Croes a trece esaki dilanti durante un conferencia di prensa Dialuna, mustrando riba e hecho cu e tin varios pregunta caba.

Un di e preguntanan di Croes ta rond di e revista ‘Aruba Dushi Tera’, di cual ta print 15 mil copia tur luna.

El a indica cu den dje tambe tin skirbi cu tin hende ta abona na e revista aki.

“Nos como parlamentario, representando pueblo di Aruba, kier sa cuanto e costo di e buki aki ta y ken tur ta abona na dje”.

Esaki segun Croes, kende a sigui bisa cu e revista ta wordo imprimi na Hulanda

“Si nos tuma un calculacion y bisa cu cada revista ta costa 10 euro pa wordo imprimi y ta saca 15.000 copia tur luna, esaki kiermen cu tur luna esaki lo tabata costa Gobierno anterior alrededor di 150.000 euro pa luna, djis pa hasi propaganda pa Gobierno”, segun e parlamentario, kende a sigui bisa cu pa aña esaki lo Sali 1,8 miyon euro, cu ta alrededor di 4.5 miyon florin.

Si nan a print e revista aki durante full e 8 añanan di gobernacion anterior, esaki kiermen cu e revista aki lo a costa gobierno mas di 30 miyon florin.

“Gobierno anterior  a hasi esaki pa ken goza?”, Croes a puntra.

“Ojala cu e preguntanan cu ta bay pa minister, lo wordo contesta pa e departamentonan”, Croes a sigui bisa.

El a indica cu e placa aki lo tabata mihor destina pa asuntonan social por ehempel, cu tin mester di placa.

Croes a cuestiona tambe e hecho cu atravez di ATA y Triple A., e ruman homber di ex Prome Minister Mike Eman tabata ricibi entre 200.000 cu 300.000 florin pa aña, relaciona cu drag race.

Tur e preguntanan aki ta bay wordo hasi, pasobra e parlamentario ta cuestiona e hecho cu esaki tabata sosode, mientras cu Palo Marga lo ta sufriendo pa falta di placa.

Croes a sigui bisa cu asina tin varios pregunta mas, incluyendo e pregunta di cuanto e vlam eterno cu ta na monumento ta costa gobierno, mirando cu desde 2011 gobierno di Aruba ta paga pa esaki.

 

 

- Advertisement -

DUNA COMENTARIO

Please enter your comment!
Please enter your name here