Home Parlamento Parlamentario Howell ta desea di aumenta e castigo pa atraco na un...

Parlamentario Howell ta desea di aumenta e castigo pa atraco na un minimo di 7 aña

190
0
SHARE
- Advertisement -

ORANJESTAD (AAN): Despues cu diahuebs a bira conoci cu Aruba tin su gobierno nobo, diabierna mainta cerca Gobernador a tuma lugar huramentacion di e parlamentarionan cu no a wordo huramenta ainda.

Un di nan ta Allan Howell di partido POR y DIARIO a logra un entrevista cune.

Segun Howell, un di e cosnan cu e kier mira bira un realidad, ta pa esnan cu comete atraco haya un castigo di prison cu ta cuminza na 7 aña y bay ariba.

“Mi kier pa e tipo di leynan aki bin, pa brinda nos ciudadanonan mas trankilidad y pa hiba Aruba dilanti”.

Esaki segun Howell, kende a indica cu mirando cu esaki ta bay ta un experiencia nobo pe, e ta contento cu e ta bay tin Drs. Marisol Lopez Tromp na su banda, kende tin un experiencia amplio den Parlamento.

Segun Howell, e ta bay por siña hopi for di su colega di partido.

Prensa a puntra e parlamentario nobo con contento partido POR ta cu nan logro y el a bisa cu tur hende ta hopi contento y pesey el a gradici un biaha mas tur hende cu a deposita nan voto riba POR.

“Nos tin dos ministerio hopi importante cu ta Husticia y Infrastructura y Aruba por ta sigur cu den e coalicion aki, nos lo brinda lo mehor pa Aruba”, segun Howell.

 

- Advertisement -

DUNA COMENTARIO

Please enter your comment!
Please enter your name here