Home Parlamento Parlamentario Tevreden lo duna su maximo cooperacion na engrandece deporte

Parlamentario Tevreden lo duna su maximo cooperacion na engrandece deporte

48
0
SHARE
- Advertisement -

ORANJESTAD (AAN) – Parlamentario HendrikTevreden, di fraccion di MEP, tambe a felicita e Gobierno actual, cu a wordo huramenta Diabierna ultimo, forma pa un coalicion,

El a acentua e hecho cu pa prome biaha den historia Aruba tin un minister presidente femenino, awor den e persona di sra. mr. Evelyn Wever-Croes.

Diabierna mainta sres. Tjon, Tevreden y Endy Croes a huramenta tambe como Parlamentario, locual pa nan tambe ta un reto nobo. Parlamentario Tevreden a subraya cu nan lo haci tur nan esfuerzo pa haci nan trabao di e manera mihor posible y duna nan contribucion tambe na nos pais Aruba.

Parlamentario Tevreden a menciona cu Diabierna, durante e huramentacion, Gobernador a bisa e cinco miembronan nobo di Staten cu tin un cantidad di leynan cu tin prioridad cu ta den plan, y cu e kier pa duna e leynan aki atencion.

E parlamentario a expresa cu nan ta keda pendiente pa inventariza kico ta e leynan cu, di acuerdo cu Gobernador, tin prioridad pa duna nan contenido den nan trabao nobo como Parlamentario.

“No obstante esey, y tur e problema y retonan grandi cu Aruba ta haya su mes aden, tanto den costo di bida, salubridad, problemanan social, mi persona den e caso aki tin un pasion grandi pa deporte y den e programa di coalicion tin tambe un parti basta amplio cu nan a dedica na deporte, y sigur lo mi bay percura den e cuater añanan cu lo mi sirbi e pais aki, pa dunando e sosten na gobierno den tur e puntonan di prioridad, tambe percura duna realze na deporte, bin cu plannan cu ya ta riba mesa pa hunto nos por duna contenido total na deporte”, parlamentario Tevreden a subraya.

E parlamentario a comenta cu ta demostra cu deporte no solamente ta kita e mucha for di caya, e ta educa mucha, duna nan disciplina y caracter, pero alavez si mire riba termino largo, deporte tambe ta sirbi nos pais pa tene nos muchanan saludable. Kiermen e lo costa menos placa pa AZV. El a señala cu mester ehecuta plannan, ehecuta atrobe weganan di Reino, Olimpiada Escolar cu ta algo cu tin den e programa y lo pusha pe, pa di e manera aki por contribui mediante e vehiculo deporte, na un manera sano na nos pais Aruba.

El a wordo puntra si “motor sport” ta wordo considera deporte. E parlamentario a bisa cu sigur y cu e por bay un tiki mas leu, den sentido cu Palo Marga ta hopi deteriora, e luznan ta benta abao, e pista no ta cumpli cu standardnan pa wordo uza. E si ta considera deporte di motor un deporte, y e lo percura mediante Parlamento pa duna indicacion na e titular di deporte di e ideanan cu tin riba e tereno aki, y pa duna e ayudo necesario, entre otro na motor sport y sigur Palo Marca, specificamente, pa percura pa reactive.

 

- Advertisement -

DUNA COMENTARIO

Please enter your comment!
Please enter your name here