Home Comentario Parlamento a bira “normal” atrobe danki na GuillfredBesaril

Parlamento a bira “normal” atrobe danki na GuillfredBesaril

53
0
SHARE
- Advertisement -

Opinion Publico

ORANJESTAD (AAN): E reaccion cu por sinti den pueblo, ta cu nan ta hopi satisfecho den e forma cu e politico GuillfredBesaril ta maneha Parlamento di Aruba, desde cu dia 27 di October 2017 el a wordo nombra como President.

Comentarionan cu por scucha, ta cu su forma di maneha e sala y su coleganan di Parlamento, ta un cambio drastico compara cu e ultimo dos Presidentnan di Parlamento.

Pueblo ta sinti cu e ta pone respet bin bek den Parlamento, y e ta haci esaki igual pa esnan den oposicion, como esnan cu ta den coalicion.  Hasta e palabranan cu e ta usa pa dirigi su mes pa su coleganan, of pa Ministronan den sala, ta uno di kita sombre!

“Ta comosifuera cu Besaril ta un natural-born president di Parlamento,” un ciudadano a reacciona recien ora di a mira e President nobo papia durante reunion.  Y esaki so ya caba a haya hopi admiracion di hende.

Ta parce tambe cu Besaril a haci su huiswerk pa asina e mantene su mes bon informa di e leynan rond di Presidencia di Parlamento, como cu e ta mustra di ta agil den esey.  Considerando su background di Polis, y conocedor di ley, e ta algo normal pe pa traha riba e caminda corecto pa asina Aruba por haya un Parlamento cu ta funciona como debe ser.

- Advertisement -

DUNA COMENTARIO

Please enter your comment!
Please enter your name here