Home Economia Parlamento tin cu bay traha duro riba innovacion, pa mehora nos economia

Parlamento tin cu bay traha duro riba innovacion, pa mehora nos economia

153
0
SHARE
- Advertisement -

Daphne Lejuez:

ORANJESTAD (AAN): Dialuna durante e conferencia di prensa di MEP, Daphne Lejuez a elabora riba e acuerdo cu a wordo firma siman pasa y specialmente riba e parti di economia.

El a papia tambe riba tecnologia nobo, mirando cu parti di e programa di MEP ta inclui ampliacion y diversificacion den tecnologianan nobo.

“E intension ta pa crea e espacio pa crece den esaki y hisa e calidad di bida, pasobra na final di dia locual nos kier logra cu economia no ta solamente pa crea placa, sino pa crea oportunidadnan nobo pa crea e espacio pa nos hendenan por educa nan mes y crece, pa nos atrae inversionnan nobo pa nos pais”, segun Lejuez.

El a sigui bisa cu di parti di parlamento esaki ta bay rekeri hopi revision di leynan, pasobra ora cu bo introduci tecnologianan nobo, no ta solamente di parti di gobierno mester bin un analisis, sino tambe un analisis profundo di kico ta e parti personal den e transaccionnan, manera por ehempel E-Comerce.

Mester traha riba e base di e tecnologia, cu ta e intercambio di informacion personal di e personanan, atravez di internet.

“Mi ta kere cu parlamento tin cu traha riba esaki, pa entre otro salvaguardia derecho y privacidad di e usuarionan y e companianan riba internet”.

Esaki segun Lejuez, kende a sigui bisa cu mester traha riba burocracia, pa asina atrae mas inversionista local y internacional.

“Nos ta bay percura pa e oportunidadnan pa e inversionistanan local y internacional ta pareu, pa e bira mas facil pa tur hende inverti den nos economia”, segun Lejuez.

 

- Advertisement -

DUNA COMENTARIO

Please enter your comment!
Please enter your name here