Home Comercio Poco poco por mira cu tin mas interes di sanger hoben den...

Poco poco por mira cu tin mas interes di sanger hoben den comercio

12
0
SHARE
- Advertisement -

Camara di Comercio lo elegi tres miembro nobo den directiva

ORANJESTAD   (AAN): Riba dia 12 di december proximo, entre 9:00am y 12:00pm lo tuma luga eleccion pa tres miembro nobo den directiva di Camara di Comercio y Industria. Ta trata di 1 miembro pa e sector “Klein Bedrijf” y 2 miembro nobo pa representa “Groot Bedrijf”. Ta resalta e interes di hobennan pa drenta directiva di e organisacion importante aki.

E lista di candidatonan pa e sector di negoshinan grandi, a postula: Wanda Broeksema, CEO di Digicel Aruba, Satish Daryanani di Palais Hindu, Segundo Ecury, John Eman y Roslin Vrolijk.

Pa e sector di negoshinan chikito a postula Alexlindy “Lindy” Croes di Lindy Lifestyle Boutique, Maria Croes, Satish Daryanani (a postula pa ambos sector), Sandy Odor y Indra Zaandam.

Di e lista di 10 candidato, a resalta postulacion di Wanda Broeksema, kende ta bon conoci como e director di Digicel Aruba. Wanda Broeksema a cuminsa su carera den mercadeo y promocion na Brouwerij Nacional Balashi, a sigui pa Digicel Aruba como Marketing Manager, a crece den su carera y a bira Customer Relations Manager di NV Elmar, pa despues subi como CEO di Digicel Aruba.

E ta dispuesto awor pa dedica poco di su conocemento y experencia na desaroyo di sector comercial di nos isla.

Lindy Croes di 28 aña di edad a studia “Business and Information Systems Management” na Merca. Na su regresa el a cuminsa maneha Gianni’s Nutrition Center, cu ta compania di su tata y na januari e aña aki a habri su propio negoshi di paña, Lindy Lifestyle Boutique.

El a bira popular pa su envolvimento, su empuhe y su insistencia pa organisa eventonan den caya grandi. E forma diferente di mercadea a sa di atrae hopi bishitante den Caya Betico Croes riba dianan specifico di benta. El a proba tur demas comerciante di Caya Grandi, cu si ta organisa, cu e ta duna bon resultado den forma di mas benta.

Pa ambos sector tin 5 candidato, pero ta tres miembro so mester, pues 7 candidato lo no logra drenta. Pesey ta importante e voto di comerciantenan inscribi na Camara di Comercio.

Tambe ta resalta e hecho cu poco poco tin mas interes di sanger hoben den comercio, pa ocupa un puesto den directiva di e organisacion. Esey riba su mes ta mustra un tendencia di rehubenece Camara di Comercio, no solamente e directiva, pero tambe e leynan y e servicionan cu ta ofrece eynan.

 

- Advertisement -

DUNA COMENTARIO

Please enter your comment!
Please enter your name here