Home Policial Polis a sugeri Tourbusnan pa nan forma un comision

Polis a sugeri Tourbusnan pa nan forma un comision

137
0
SHARE
- Advertisement -

ORANJESTAD (AAN): Diaranzon mainta net ora cu Aruba tabata prepara pa ricibi 5 barco crusero, tabatin protesta na e porta di Waf.

Di parti polis a pidi e tour operatornan pa lanta un comision pa asina bay sinta na mesa y papia pa yega na un solucion pa cu e tema di e paramento di e auto busnan na porta di APA.

Lo mester bay puntra minister kico ta e cambionan, kico ta e incertidumbre pa cual nan ta rabia. Un reunion cu e touroperatornan lo por trece un aclaracion e di con e problemanan ta bin.

Probablemente den e reunion cu polis lo bay tene cu APA, nan lo mester haya sa en berdad kico ta e situacion. Den e sentido ey, lo por haya sa kico ta e problema mas profundo den e cambionan aki. Kisas tin mas partnernan envolvi, pero tur e detayenan mester bin afo den e reunion cu APA.

E touroperatornan ta competi cu otro, cual ta di compronde, ya cu ta nan pan di cada dia. E miho solucion, segun polis, ta pa nan forma un comision nan mes of acudi na un sindicato, pa laga e sindicato representa nan den casonan asina. Pero e solucion no ta pa blokia porta di waf, ya cu nan ta daña pa nan mes, nan ta daña pa otro. P’esey a pidi pa nan calma un poco ta purba di yega na cierto areglonan.

Pa diaranson e cos a calma pero con ta para cu awe Diahuebs? A bisanan pa haci como sifuera e borchi no t’ey, ya cu e situacion ta status quo. Asina cu tin mas informacion, lo duna prensa tambe kico lo ta un bon solucion. E mester bira un win- win situation pa tur e partinan envolvi. DTP ta un partner esencial, plannologie di Polis, DOW, APA mester worde involucra pa ta yega na un miho solucion pa tur e partidonan envolvi.

- Advertisement -

DUNA COMENTARIO

Please enter your comment!
Please enter your name here