Home Parlamento Pone bek e hende central ta e linea cora di henter Gabinete...

Pone bek e hende central ta e linea cora di henter Gabinete Wever-Croes

35
0
SHARE
- Advertisement -

Parlamentario Christiaans-Yarzagaray

ORANJESTAD (AAN) – Parlamentario Louisette Christiaans- Yarzagaray den conferencia di prensa di e fraccion di MEP, a menciona dentro di e tema di combati desigualdad, cu e mes ta un di e personanan cu ta bay enfoca riba e metanan di Nacionnan Uni, cu ta 17 cu a wordo stipula den añanan anterior y cu hopi pais a firma e acuerdo aki. Un di nan ta e tema di desigualdad.

Pero parti di e metanan aki ta no solamente di desigualdad sino tambe di genero den e aspectonan social, hubentud, etc. Como parlamentario e mes ta bay pone mas atencion na esaki y e ta sigur cu e lo haci un par di organizacion contento, mirando e hecho cu e metanan di ONU no ta pa un sector so na Aruba bay traha riba un tereno, pero e tin aspectonan hopi amplio den tur sector, cu e ta mantene parlamento hopi bezig, y un di e metanan ta pa elimina hamber na mundo, y logicamente na Aruba pa destera pobreza, crea oportunidadnan igual den educacion, entre otro.

El a subraya cu parti di desaroyo sostenible ta bay ta metanan tambe di Parlamento mirando e hecho cu esaki lo hiba nan traha riba e meta principal di Partido MEP, cual ta pone e ser humano bek central. Esaki ta e linea cora di maneho di tur cartera, den tur ministerio.

E dama a subraya cu parlamento lo monitorea si e pais ta logra su metanan no solamente na termino largo, pero cumpli cu su tarea di monitorea e desaroyonan cu ta bin e añanan nos dilanti. Tin metanan di ONU cu mester logra pa 2030 cu ta un periodo hopi largo, pero e set up y prome iniciativanan a tuma lugar caba y lo sigui esakinan di cerca pa garantiza cu lo cumpli cu e metanan pero tambe cu nos pais lo beneficia di dje, pasobra ta bay traha den e ser humano y pone central bek.

- Advertisement -

DUNA COMENTARIO

Please enter your comment!
Please enter your name here