Pueblo ta wordo invita pa bishita e sede:
ORANJESTAD (AAN) – Diahuebs mainta a tuma lugar e conferencia di prensa di Partido POR, dirigi pa e dos Parlamentarionan di dicho fraccion, su lider sr. Otmar Oduber y mr. Andin Bikker.
E encuentro aki cu prensa a wordo teni den e sede nobo di POR situa na Avenida Milo Croes, den e edificio di antes 24 ora Store.
Sr. Oduber a extende un invitacion na pueblo en general y tur esnan cu kier tin contacto cu Partido POR, pa bishita e sede aki unda tur persona ta bon bini, y tambe prensa cu for di entrante ayera lo tene e rueda di prensa akinan, cu un imagen nobo, y naturalmente den cuadro di Aña Parlamentario nobo, cu a tuma lugar siman pasa, y den vispera di e preparacion cu ta tumando lugar aworaki pa loke ta trata e gobierno nobo cu lo wordo forma.
