ORANJESTAD (AAN): Na Cas Di Cultura tabata tin un atardi pa asina Positive Foundations spierta Aruba con bendiciona nos bunita isla ta. Glenn Penniston y Michele Brooks a tene conferencia. Esaki ta un movemento cu nan a cuminsa. E ta pa tur hende cu ta biba aki na Aruba.
Nan kier pa pueblo compronde cu nos tin cu gradici Dios tur momento. Cu nos mester stop di keha pa tur cos, pero wak e cos nan bon. Si wak rond di otro pais nan, por wak cu Dios tin nos isla proteha y esey ta un honor pa nos gradici’E pa tur su amor , bendicion y proteccion di nos isla.
En conexion cu esaki lo bay tin un concierto na Cas Di Cultura y lo invita mas o menos 500 persona di edad. Positive Foundation lo bai traha hunto cu sector priva y sector publico.
E fundacion ta cla pa hasi un diferencia ariba nos isla. Artistanan invita pa e bunita show aki lo ta: Susy Julliet, Willy Rodriguez, Ramphis Tromp , Ettienne Yarzagaray, Darwin Kemp y Ron Martis.
Nan kier gradici e sponsornan pa e transporte. Esaki ta un bunita oportunidad pa laga curason yega mas di serca di Dios y pa asina pueblo por uni mas cu otro.
