Home Social Radio Bo Guia ta celebrando 20 aña di existencia

Radio Bo Guia ta celebrando 20 aña di existencia

20
0
SHARE
- Advertisement -

ORANJESTAD (AAN): Luna di november ta luna di celebracion pa nos famia como cu  nos ta celebra nos aniversario. E aña aki e celebracion lo ta en grande como esaki ta di 20 aniversario di 88.9 FM.

Riba prome di november 1997 Aruba henter a cuminsa ricibi señalnan di un radio emisora cu a cuminsa cu un mision y vision diferente y orguyosamente nan por bisa cu 20 aña despues ainda ta cumpliendo cu su meta cual ta ‘Loke ta di Nos Prome’ rescata, cuida y promove primeramente nos cultura mediante su musica y folclor y tradicion.

Durante transcurso di aña, hopi ta e artistnan cu a comparti cu nan for di prome cu nacemento di e emisora, hopi a bin y bay pero 88.9 a keda nan cas. E.o. Robert Jeandor, Casin Giel, Papito Rafael, Robert Thiel, Jerrino Ridderstaat, Eddy Leest, Danny Koolman, Cecilito Lopes, Ramphis Tromp, Robert Maduro,Danilo Vrolijk,  Vicente Kelly, Jose David Polanco, Edseline Figaroa, Ivan Quandus, Delbert Bernabela, Oslin Trimon, Curt Dubero.

Manera un baranca fuerte di nos fundeshi,  cu hopi amor, dedicacion, lealtad na nan cas Sra Marijke Croes-Luidens ta celebra hunto cu nan 20 aña como Locutor-boluntario na e emisora, tambe Aida Martijn (19 aña), Ingrid Nicolaas (19 aña), Stanley Eduarda (19 aña), Robert Ras (14 aña), Joane Geerman (14 aña), Jaime Lacle (13 aña), Helen Lacle (12 aña), Robert Thiel (8 aña).  Y gradecido na e boluntarionan e.o. Alvin Boekhoudt, David Kock, Melvin Garcia.

Hasta por considera e emisora como “un academia di media”, ora cu bo mira awendia e cosecha, manera awendia Trevorr Rosel cu su propio internet radio y trahando na Telearuba, Jean Carlos Henriquez (DJ Vibes), Ryan Danje (Dj Ryan).   No por lubida e.o. Alex Montilla, Charlene Quant,  Billy Ann y Francis Rosel, Raquelita y Juanita Heyden,  Esmeralda Tromp, Sonia Valdez, Derrick Dijkhoff, Sylvia Tromp, Richard Brito, Enrico Webb, Ito Rasmijn, Goriaka Maal, Lionel Croes.

Den cuadro cu nos di 20 aniversario, henter e famia di Radio Bo Guia ta bay celebra en grande cu su fiel oyentenan Diabierna awor cu un fiesta na Renaissance Ballroom.

Pa e famia lo ta mas cu un honor y placer di por celebra un logro historico cu esnan cu semper a sa di brinda nan e apoyo incondicional y a permiti nan drenta den nan hogar pa e ultimo 20 añanan aki y cu fe den Dios  lo sigui traha pa por tey y compaña pueblo hopi aña mas.

 

- Advertisement -

DUNA COMENTARIO

Please enter your comment!
Please enter your name here