Home Politica Rocco Tjon a pasa screening “vlekkeloos”

Rocco Tjon a pasa screening “vlekkeloos”

499
0
SHARE
- Advertisement -

Prome Minister Evelyn Wever-Croes:

ORANJESTAD(AAN): Segun prome minister Evelyn Wever-Croes, MEP tin hende ekipa pa cubri tur cartera. Manera por ehempel e cartera di husticia, a haci full un proceso di screening di Rocco Tjon. Na final di dia aunke cu e no a bira minister, e ta capacita. Pero no a haya e cartera aki.

El a splica cu a enfoca riba esaki, pasobra Tjon ta un persona di un integridad hopi halto. El a uni na politica, pasobra e tin un meta grandi den politica. No ta tur ora un hende ta laga un carera profesional asina prometedor pa drenta politica.

A mira un atake structural riba su integridad y bon nomber, cual e prome minister ta lamenta. E no ta un tipo di hende tampoco cu ta bay drenta den e debate publico eynan y defende su mes of tira cu lodo, sino e no ta hinca den otro. Awor aki cu a pasa screening, por garantisa pueblo di Aruba, cu e ta di integridad intachabel.

A pasa e screening di mas halto y el a pase “vlekkeloos”. Ta di spera cu tur e rumornan cu ta wordo difundi riba su persona, keda elimina, bay pa pasado. Rocco Tjong ta lider di fraccion di MEP den Parlamento. Ta un hende cu tin hopi respet di comunidad, mirando e cantidad di voto cu el a ricibi durante e ultimo eleccion, e mandatario a comenta.

 

- Advertisement -

DUNA COMENTARIO

Please enter your comment!
Please enter your name here