Home Social Salamander Group cu donacion na Cruz Cora Aruba

Salamander Group cu donacion na Cruz Cora Aruba

18
0
SHARE
- Advertisement -

ORANJESTAD  (AAN):  Stephen Daal, Director di e Hunta di Directiva di Cruz Cora Aruba, a colecta un check generoso di Marieke van der Niet, na nomber di Salamander Group, riba diahuebs, 2 di November, 2017, na su tienda principal, T.H. Palm & Company, na Playa Linda Beach Resort, Palm Beach.

E fondonan a wordo colecta durante e sale anual di Oktober y ta un esfuerso comunitario di tur e asociadonan cu a sinti nan mes inspira pa duna un man na e victimanan di Horcan Irma y Horcan Maria, cualnan a afecta Aruba su isla ruman di St. Maarten na September ultimo.

E organisacion internacional, celebrando 60 aña di trabou di asistencia humanitario na Aruba riba dia 31 di Oktober, ta raporta cu su meta principal ta pa alivia sufrimento humano entre esnan mas vulnerable. Den e spirito di su lema y den colaboracion cu Cruz Cora Hulanda, nan a logra yuda mas di 20.000 persona na St. Maarten cu cuido medico, articulo di sosten, awa limpi, sanidad y higiena.

Daal, kende a asumi e posicion di director di e hunta di directiva recientemente, a revela cu durante e periodo di recuperacion despues di e horcan, mas o menos 40 boluntario local a pasa dos siman na St. Maarten, sosteniendo e esfuersonan di recuperacion.

Semper cu e meta di “E Reparacion di Mundo,” The Salamander Group ta haci e recaudacion di fondo un balor central di su practica di negoshi cu su programa di responsabilidad corporativo, Tikkun Olam.

Tres cien y sesenta y cinco dia pa aña, e ekipo diligente di The Salamander Group ta colecta fondo cu ta deriva di compras, partiendo checknan na fin di anja na fundacionnan caritativo local cu ta traha na nomber di e comunidad di e isla.

Director Gerente Jodi Tobman, na mando di e compania y e forsa principal tras di Tikkun Olam, a nombra e programa pa un creencia filosofico Hebreu anciano cu e reparacion di mundo, Tikkun Olam, ta posible danki na actonan caritativo. E programa a wordo lansa pa prome biaha durante e temporada di herfst na 2007, ora Tobman a anuncia e iniciativa continuo di recauda fondo, cu donacionnan regular presenta na un grupo selecto di fundacionnan caritativo riba e isla.

E luna aki, na conclusion di e sale anual di Oktober, Cruz Cora Aruba tabata e recipiente di e donacion.

- Advertisement -

DUNA COMENTARIO

Please enter your comment!
Please enter your name here