Home Parlamento Si no por cambia modificacionnan cu Gobierno anterior a haci den Lotto...

Si no por cambia modificacionnan cu Gobierno anterior a haci den Lotto Gobierno actual lo bin cu un Lotto nobo

239
0
SHARE
- Advertisement -

Parlamentario Endy Croes: Papiando di cambionan haci despues di eleccion

ORANJESTAD (AAN): Durante un conferencia di prensa di MEP Diaranzon, parlamentario Endy Croes a papia un rato riba Fundacion Lotto Pa Deporte (FLPD), unda cu el a ricibi e documentonan di statutonan di Lotto pa Deporte.

El a indica cu ta bay studia e asunto mas ainda y bay mas profundo riba dje pronto, pero Diaranzon el a señala algun punto di preocupacion.

“Ta tristo pa wak cu e statutonan aki a wordo modifica y cambia despues di eleccion”.

“Eleccion a tuma lugar riba 22 di September, mientras cu claramente bo ta wak cu riba 19 di October di e aña aki na Notario Yarzagaray a modifica e statutonan di Lotto, pa cambia e structura”.

Esaki segun Croes, kende a sigui bisa cu den articulo 5 por ehempel ‘Raad van Toezicht’ a nombra un ‘Bestuurder’, anto esaki ta pa un tempo indefini.

“Tristo ta tambe cu e bestuur, cu ta inclui un abogado por cierto, a reuni riba 28 di Juli 2017 y nan ta autoriza e presidente actual Di Stefano Wernet pa canaliza full e proceso aki y nos tin entendi cu Di Stefano Wernet mes ta bay bira e Bestuurder na final di dia”, segun e parlamentario.

El a sigui bisa cu e Bestuurder ta bay gana un cantidad di placa, mientras cu bao di dje ta bay tin diferente director cu tambe ta bay gana hopi placa.

Esaki ta nifica cu tur e placa cu Lotto ta bay pa amigonan di Gobierno anterior, segun Croes.

Segun Croes, tur esaki a wordo concretiza pa Alex Schwengle, kende a hasie den nomber di Mike Eman.

“E tipo di practicanan aki mester termina y danki Dios cu pueblo a duna un coalicion e oportunidad,  pa nos por medio di ley por trata di salvaguardia tambe tur locual ta na interes di e pueblo aki.

Croes a indica cu ta bay bringa e asunto aki cu tur forza di ley y si esaki no logra, Gobierno tin un plan B.

“Dado caso cu nos no por keda cla cu un areglo unda cu Lotto ta wordo traspasa bek pa Aruba pa coregi e cosnan aki, nos tin e opcion di bin cu un otro loteria”.

“Basa riba ley, nos lo lanta un Lotto di Deporte nobo y Aruba lo haya su Lotto pa Deporte manera cu mester ta”, segun Croes.

- Advertisement -

DUNA COMENTARIO

Please enter your comment!
Please enter your name here