Home Policial “Si polis mira cu bo tin un celular den bo man, sea...

“Si polis mira cu bo tin un celular den bo man, sea pa text, contesta of djis pa wak ora, ta castigabel”

716
0
SHARE
- Advertisement -

Polis Motoriza Alex Pieters:

ORANJESTAD  (AAN): Tin un ley nobo cu a wordo pasa recientemente y a drenta na vigor. Alex Pieters ta hoofdagent 1ste klasse y ta traha den e departamento di trafico motorisa. Tambe e ta yudando e departamento di voorlichting y prevension pa tur loke cu ta trata trafico y e ta splica riba e ley aki y con pueblo tin cu compronde riba esaki.

Entrante Augustus di e aña aki caba, e ley a wordo aproba den Parlamento y el a wordo publica den e afkondigingsblad di Aruba. Esey por wordo haya riba e website di Gobierno di Aruba. Den esaki a bin un articulo nobo cual ta articulo 7-A cu ta Landsverordening wegverkeer, cu ta bisa cu ta prohibi pa tin un celular den bo man, mientras cu bo ta maneha un vehiculo. No a papia di auto specificamente. E por ta un bicicleta, e por ta un brommer tambe. Si bo ta maneha un vehiculo y bo tin un telefon den bo man, awor aki e ta castigabel pa ley.

 

Dicon e hecho aki

Por a ripara cu tin hopi accidente pisa y rond mundo, e issue di telefon den man den trafico, a bira e causa di accidente number 1. Tin hopi morto cu a wordo causa pa motibo di telefon den auto. Pesey a bira un necesidad pa ley regle y polis lo bay actua duro riba dje. Mescos rond mundo, na Aruba tambe e ta un problema. Esey awor aki ta bay actua mas duro riba dje. E boet lo bay ta 500 florin, si bo wordo gara cu un celular den man. Tin hopi pregunta cu ta bin a base di e kico awor si por haci of no por haci. Si handsfree ta posibel.

 

Articulonan den ley

Handsfree ta posibel. Hopi auto por conecta e telefon via bluetooth den auto of por bisti un headset caminda cu por contesta e telefon. E otro issue ta, cu no tur hende por multitask bon den auto. Ora bo ta den trafico, bo atencion mester ta completamente pa trafico.

Si bo primi boton, bo contesta y bo ta bezig den un gesprek y si mira cu e atencion ta bayendo for di trafico y bo no ta paga tino mas riba trafico. Esey tambe ta castigabel. Esey ta para den un articulo cu ta den ley caba, cu ta articulo 12 di landsbesluit verkeersregels, cu ta bisa cu ta prohibi pa haci algun acto den auto cu ta kita bo atencion for di trafico. Tin varios articulo cu por uza.

Si wak un persona por ehempel ta bezig ta text den auto, por uza articulo 7-A, pasobra e tin e telefon den su man y lo dun’e articulo 12 tambe, pasobra su atencion ta kita for di trafico.

E por bira tiki mas pio, si mira e manera cu e ta coriendo y a causa peliger den trafico, door di hera dal un hende, desvia of otro hende mester desvia pa no dal’e, e ora e ta haya articulo 2 tambe acerca, cu ta kapstop artikel. Esey ta pa causa di peliger den trafico. Lo maximo cu e por haya ta tres articulo pa uzo di celular.

A cuminsa cu 7-A, cual si e polis mira cu bo tin e celular den bo man, sea pa text, contexta of djis pa wak ora, ta castigabel.

- Advertisement -

DUNA COMENTARIO

Please enter your comment!
Please enter your name here