Home Social Sinterklaas a yega Aruba hunto cu su Pietnan

Sinterklaas a yega Aruba hunto cu su Pietnan

129
0
SHARE
- Advertisement -

ORANJESTAD (AAN) — Diadomingo tabata un dia durante cual grandi y chikito a busca caminda pa waf na Playa den oranan trempan di mainta, pa spera e yegada di Sinterklaas hunto cu su Piet nan. E biaha aki, e grupo di pietnan a wordo reparti y un grupo a yega waf riba brommer y e otronan a bini den barco hunto cu Sinterklaas.

Asina mes cu e tempo tabata menaza di bay laga poco awacero cay, toch por a mira cu masha hopi mayor, den compania di nan yiu (nan) a busca caminda pa waf di Oranjestad, pa asina yama Sinterklaas y Zwartepietnan un cordial bon bini na Aruba.

Presente na e yegada di Sinterklaas hunto cu su Zwarte pietnan riba waf, tabata tey Minister Xiomara Maduro acompaña pa su yiu cu a goza mescos cu tur hende di e dushi mainta aki.

Despues di un ceremonia chikito, henter e grupo di tanto Sinterklaas, Zwarte pietnan y esnan di e fundacion Sinterklaas, a sali bou guia di Polis y musica di Brassband y Disco, rumbo pa Plaza Betico Croes, caminda un grupo mas grandi tabata spera riba yegada di Sinterklaas cu su Zwartepietnan.

 

- Advertisement -

DUNA COMENTARIO

Please enter your comment!
Please enter your name here