Steve Harvey a pidi Kiara Arends subi riba escenario

ORANJESTAD (AAN): Diadomingo atardi na Las Vegas, na momento cu tabatin e ultimo minuut di rehearsal prome cu e certamen di Miss Universe a bay den aire, diripiente algo inusual a socede.

Steve Harvey for di riba escenario, a ripara cu tin un “Miss” hoben sinta den publico ta mirando e rehearsal.  El a dicidi na bira y yama e dama hoben bin riba escenario.  Esaki a resulta di ta Kiara Arends, kende ta actual Miss Teen Aruba International.

E tambe a bay mira e certamen, y ate inespera riba escenario ta sacando potret cu Steve.