Home Cultura Stichting Musica ta cla pa upgrade e festival di Caiso & Soca...

Stichting Musica ta cla pa upgrade e festival di Caiso & Soca Monarch

40
0
SHARE
- Advertisement -

Pa hibe na un nivel mas halto

ORANJESTAD (AAN): Presidente di Stichting Musica Edwina Werleman durante un conferencia di prensa Diaranzon atardi a indica cu Musica a cuminza caba cu tur preparacion pa organiza Caiso & Soca Monarch 2018, despues cu riba mesun dia a firma un acuerdo cu SMAC.

“Na 2017 nos tabata tin un festival exitoso, unda cu nos a cargele cu mente positivo, nos a trahe den un ambiente positivo y el a refleha bek durante di e evento”.

“Ora cu bo pone bo mente positivo dilanti y bo ta habri y sincero y bo por cumpli cu tur cos cu bo bisa bo lo hasi, e resultado semper ta recompensabo”.

Esaki segun e presidente di Musica, kende a gradici SMAC pa a sinta bek cu nan y yega na un bon acuerdo.

“Nos di Musica ta un team bastante dinamico y nos tambe kier mira con e festival aki por engrandece su mes durante e aña nobo y e siguiente añanan”.

Esaki segun Werleman, kende a indica cu nan stichting a sugeri pa e placa cu nan tin cu duna SMAC, wordo inverti bek den e festival hubenil y infantil, pasobra nan ta e futuro di e festival.

E presidente di Musica a bisa cu e ta contento di wak e positivismo, unda cu varios musico ya caba ta den preparacion pa traha nan cancionnan pa participa na e festival grandi.

El a bisa tambe cu aña pasa Musica mester a cumpli cu cierto aspectonan financiero y esey a keda full cla.

Awor ta bay tin mas espacio pa upgrade entre otro e stage, pa crea un caliber di presentacion pa nos musiconan, cu ta riba un nivel mas halto.

 

 

 

- Advertisement -

DUNA COMENTARIO

Please enter your comment!
Please enter your name here