Home Beyeza “Ta Miss Aruba ta un plataforma cu bo por uza pa dialoga...

“Ta Miss Aruba ta un plataforma cu bo por uza pa dialoga riba causanan y topiconan cu ta importante pabo”

85
0
SHARE
- Advertisement -

Alina Mansur:

ORANJESTAD (AAN): Diamars mainta prensa a haya e oportunidad di desayuna cu Miss Aruba 2017 Alina Mansur, menos cu dos siman prome cu su viahe pa Las Vegas, unda cu e ta bay participa na e certamen di Miss Universe, cu ta bay ta riba 26 di November proximo.

Durante e desayuno, DIARIO a entrevista e hoben y el a bisa cu e preparacionnan ta bayendo hopi bon, prome cu e Sali bay pa Las Vegas riba 11 di November.

“Aworaki bo por bisa cu practicamente tur cos ta cla y ta solamente e detayenan final mester pone riba tur cos”.

“Mi ta hopi contento cu e sosten di mi famia, di cual un grupo di nan ta bay viaha pa Vegas tambe, pa wak e certamen”, segun Miss Aruba.

DIARIO a puntra Alina tocante su preparacionnan y el a indica cu pa cualkier certamen tin hopi trabao cu mester wordo hasi.

Entre otro e mester a tuma lesnan di pasarela, lesnan di makeup y cabey, como tambe e parti fisico, cu ta inclui bay gym y come saludable.

E Miss a conta tambe cu ta importante pa prepara bo mes bon riba con pa hasi entrevista y con pa contesta e preguntanan cu ta bay wordo hasi durante di Miss Universe.

Miss Aruba a splica tambe cu el a viaha pa New York algun tempo pasa, pa train cu e runway coach oficial di Miss Universe Lu Sierra, unda cu el a haya varios tip importante.

“Parti di mi preparacion tabata tambe pa bay Colombia pa train cerca Fabian Chacon”.

Esaki segun Miss Universe Aruba 2017, kende a sigui bisa cu esaki ta training-nan cu e ta haya na Aruba caba, pero el a combina esakinan cu training-nan den exterior pa ta mas prepara ainda.

DIARIO a puntra e hoben kico ta su conseho pa otro hobennan cu ta pensando si un dia nan lo kier participa na un certamen di beyeza.

El a indica cu cualkier hoben cu kier participa na algo asina mester bay pe.

“E ta un experiencia unico, aunque mester tene cuenta si cu e ta hopi trabao”.

“Cualkier corona ta un responsabilidad y esey ta algo cu bo mester tuma na serio, pasobra bo ta bay representa bo pais afo”.

“Sigur un certamen tin hopi aspecto positivo”.

“Semper mi a considera mi mes un persona hopi ‘shy’ y mi tambe tabata un di e personanan ey cu tabata tin miedo, sinembargo door di participa pa Miss Aruba mi a siña asina hopi y mi ta sintimi hopi mas comodo pa papia den publico”.

Esaki segun e miss, kende a sigui bisa cu awor e ta sinti cu el a crece hopi den un periodo di casi 6 luna.

“Bo ta siña conoce hopi hende y pami e parti mas importante ta cu asina mi por inspira y encurasha otronan”.

“Ta Miss Aruba ta un plataforma cu bo por uza pa dialoga riba causanan y topiconan cu ta importante pabo, pasobra bo ta haya un publico cu ta scuchabo”

Esaki segun Miss Aruba, kende a indica cu ta importante pa uza bo titulo pa algo bon.

“Pami no tin nada mas importante cu esey”, segun e beyeza Arubiano.

- Advertisement -

DUNA COMENTARIO

Please enter your comment!
Please enter your name here