Home Turismo Ta parce interesante si kizas ATA por atrae e mercado turistico Chines...

Ta parce interesante si kizas ATA por atrae e mercado turistico Chines pa Aruba

23
0
SHARE
- Advertisement -

Panama ta hub di Air China y Aruba ta hub di COPA:

ORANJESTAD (AAN) – Na e momentonan aki, den e mundo di turismo na Centro America y Panama, nan ta trahando pa atrae e turistanan Chines, pero e no ta parce asina facil.

Actualmente Panama a bira e hub pa  vuelonan di Air China y esaki ta habri un posibilidad tambe pa e demas paisnan di Centro y Sudamerica como tambe pa nos region (Caribe) pa tin acceso mas facil pa yega te China, sea como turista of pa haci negoshi, y logicamente pa ricibi ciudadanonan Chines, no solamente como pasaheronan di transito sino como bishitantenan di nos region.

Sinembargo, nos region durante hopi aña a siña conoce y a adapta na e caracteristicanan di e bishitantenan Mericano y Europeo, y algun Asiatico pero no specificamente turistanan Chines. Mas tanto e Chinesnan ta emigra pa lanta negoshi den otro paisnan, pero como viahero nan ta mas conoci na Europa, specialmente Francia.

E turistanan Chines ta explorando tog, nos mercadonan den Caribe: calidad di producto por ehemplo, pasobra tin indicacion cu e viaheronan cu ta haci turismo ta hende cu un poder di compra hopi halto, y ta busca cosnan di calidad hopi halto y diferente na locual nan tin na China.

E ta sona interesante. Kizas nos Oficina di Turismo lo por acerca e mercado Chines ya cu si Panama ta hub di Air China, Aruba ta hub di Copa, pues un combinacion perfecto di transporte aereo cu lo ta interesante pa sa si nos tambe por explora, esta e mercado turistico Chines. (Articulo basa riba informacion publica den CentroAmericaExpress).

- Advertisement -

DUNA COMENTARIO

Please enter your comment!
Please enter your name here