Home Salud Ta spera cu pa fin di e siman aki e MRI nobo...

Ta spera cu pa fin di e siman aki e MRI nobo lo drenta den funcion

16
0
SHARE
- Advertisement -

ORANJESTAD(AAN): — Den e dianan aki por a tende cu no tin servicio di MRI. No tin servicio di CT Scan. Theo de Kool, kende ta director financiero di Hospital, a splica cu den e ultimo simannan no tin MRI, pero e no tin di haber cu problema di loke a haya cu ta regularmente daña.

Ta bezig ta reemplasa e mashin bieu. A planea caminda cu e mashin bieu lo bay for di servicio. Den 4 siman no lo bay tin mashin y e scanner di MRI lo wordo poni den servicio despues. Esey lo mester a sosode 1 siman pasa.

Lamentablemente durante testmento a bin resulta cu algun cos no tabata bon. Un piesa mester a wordo georder den exterior. Den curso di e siman aki lo wordo instala y ta spera pa e fin di siman, e MRI por bay den operacion. E ora tin un MRI nobo.

Na e momentonan aki no tin problema cu e CT Scan. Si ta asina cu e scanner ta basta bieu. Tambe esey lo wordo reemplasa. Pero esey lo bay sosode pa aki 6 luna. Si el a wordo geordo riba un bon deal na Siemmens na Hulanda. Esey lo bay wordo reemplasa entrante Juni di otro aña.

Mester a wordo reemplasa

E MRI cu nan tabata tin tabata basta bieu, por lo menos un 10 aña. Regularmente a bin den prensa naturalmente cu hopi biaha e tabata daña. Esey ta nifica cu e mantencion ta bira mas duro y lo tabata sabio pa asina reemplasa e mashin. Banda di dje tabata tin desaroyonan tecnico.

E MRI scanner aki ta uza ningun helium. Helium ta un gas cu ta hopi caro. Den e MRI scanner constantemente mester a cumpra constantemente Helium pa por yena esaki. Tabata mas cu claro pa a cumpra un MRI nobo y reemplasa esun existente.

Hopi uza

Tur dia e mashin tabata wordo uza. Segun Theo de Kool, e MRI scan ta un aparato cu ta wordo uza pa por analisa e curpa humano. E MRI scanner, CT Scanner, Xray ta wordo uza pa mira cosnan specifico. Cu MRI scan por mira cosnan un tiki mas miho, compara cu otro mashinnan.

E aparatonan aki ta complementa otro y tambe por wordo reemplasa parcialmente. Durante e periodo di 4 siman cu e MRI scanner no tabata tin y a instala esun nobo, tabata tin hopi investigacion haci cu ayudo di e CT Scanner. Tin di compronde cu 80 pa 90% di e saminacionnan a wordo haci na un hopi bon manera.

Ta asina cu e MRI scanner ta wordo hopi uza. Ta un manera moderno di investiga. Tambe cu cada biaha ta mira cu hopi mas investigacion ta wordo haci y door di esey sa miho y precies ki tratamento di cu wordo haci. E forma di investigacion aki ta parti di desaroyo den medicina moderno, segun de Kool.

 

 

- Advertisement -

DUNA COMENTARIO

Please enter your comment!
Please enter your name here