Home Salud Temporada di e virus di Influenza a cuminza na Aruba

Temporada di e virus di Influenza a cuminza na Aruba

100
0
SHARE
- Advertisement -

ORANJESTAD(AAN): Departamento di Salud Publico, kier concientisa pueblo di Aruba, tocante e virus di influenza, esaki ta duna griep. Segun dr. Maritza Ordoñez, tin cuater tipo, di cual e tipo A y B ta duna mas epidemia rond mundo, y no solamente na Aruba.

E virus di Aruba ta cuminsa mas of menos su estacion, su manera di presenta, ta for di October te cu Maart. Loke ta pasa ta cu Aruba ta keda un pais turistico, ya cu e ta keda cun’e henter aña, pero en particular e temporada aki, door cu e temperatura ta baha, ta haye mas ainda.

Tin cu tene hopi cuidao cu e tipo H1N1, H3N2 tambe. Esaki ta un tipo di virus cu ta duna epidemia rond mundo. No solamente na mundo pero rond mundo tambe.

Tur aña ta trece dilanti e manera di preveni. E virus aki ta un virus hopi contagioso, un virus cu por transmiti di un hende pa otro masha facil mes, ora un persona ta papia, ta niester of ta tosa, of si acaso un persona no laba su man bon despues cu e niester of tosa, e ta plama e virus rond di cas, of na trabao, di manera cu hasta por bisa cu e virus por permanece basta rato despues cu e sali for di bo curpa.

Dr. Ordoñez ta recorda di e sintomanan di e virus di influenza cu ta duna griep. E ta bin cu keintura halto, esta 39 grado of mas. Dolor di cabes. Dolor di garganta, dolor di curpa, dolor di weso. E persona ta keda hopi malo. Si acaso e persona den un siman, no tin recuperacion, probablemente e persona lo bay haya dificultad pa hala rosea. E virus ta pasa di nanishi pa garganta, despues pa pulmon.

Eynan e persona por haya bronchitis, neomonia y por hasta fayece. Pesey ta keda semper poniendo alerta cerca tur hende. Si acaso bo ta sinti e sintomanan ya menciona, bay dokter di cas. No warda te na ultimo momento, pasobra por ta ta laat.

Dr. Ordoñez kier a recorda tambe cu a haya 4 fayecimento door di complicacion di e virus, pasobra e complicacion mas grandi ta pa e 2 gruponan vulnerabel cu tin. Muchanan chikito menor di 5 aña y hende grandi mayor di 60 aña.

Tambe personanan cu apart cu no ta chikito, pero tin malesa cronico manera malesa di curason, asmatico, alergia, diabeticonan, pashentnan cu tin problema di riñon, pashentnan cu cancer, pashentnan cu HIV, pashentnan obeso. Tur e gruponan aki ta grupo di riesgo hopi halto, di manera cu unabes cu e ta haya e virus, por haya un complicacion y e complicacion por duna e fayecimento di e persona.

 

- Advertisement -

DUNA COMENTARIO

Please enter your comment!
Please enter your name here