Home Enseñanza Tene na cuenta cu ta tuma tempo pa logra haya acomodacion...

Tene na cuenta cu ta tuma tempo pa logra haya acomodacion adecua

12
0
SHARE
- Advertisement -

Bo ta planea pa studia na Enschede, Hengelo, Deventer y Zwolle otro aña?

ORANJESTAD (AAN) —  Studiante cu ta pensa di bin studia na Hulanda, na e siguiente ciudadnan Enschede, Hengelo, Deventer y Zwolle mester tene na cuenta cu  ta tuma tempo pa logra haña un camber of otro tipo di acomodacion adecua (comodo y pagabel). Pues, inscribi bo mes na tempo ta crucial.

No cu esaki lo dunabo garantia 100% pa haña un kamber, pero sín esaki bo ta garantisa di no logra haña un camber adecua. E aviso aki ta di mentor Edy Ranada cu ta encarga cu e region di Enschede, Hengelo, Deventer y Zwolle.

Edy: ‘Pa hisa bo chensnan pa haya un camber bon y ‘pagabel’ na Enschede, Hengelo, Deventer y Zwolle ta bon pa bo cumpli cu e siguiente rekisitonan. Mester cuminsa na inscribi na tempo. Tambe mi ta conseha e studiante pa inscribi su mes na diferente website. Keda vigilante (proactivo) y controla bo inscripcion (‘inschrijving’) regularmente.’

Mentor Edy Ranada ta sigui bisa ‘Ta importante pa inscribi pa un camber of un studio. Tin site cu ta gratis y tin cu bo mester paga pa inscribi. Si bo ta duda riba cua estudio bo ta bai sigui of na cua ciudad bo kier bay studia, inscribi toch na algun website. Despues bo por haci bo escogencia. Tambe studiantenan cu no ta bin Hulanda otro aña por inscribi awor aki caba. Mas largo bo tempo cu bo ta inscribi, mas siguridad bo tin cu bo por haya un camber bon y pagabel pa tempo cu bo ta bin studia na Hulanda. Si bo por huur un camber prome cu bo yega Hulanda via makelaar, corda lesa e contrato hopi bon kico ta wordo palabra, especialmente bo debernan y bo derechonan. Si bo tin duda busca ayudo huridico. No core firma! Huur un camber cerca famia of conoci  tambe ta exigi bon palabracion; y no lubida di controla si e persona por lagabo inscribi bo mes na Gemeente riba su adres.

Riba Facebook di POC Enschede tambe tin algun informacion. Tene cuidou cu advertencia den corant; hopi biaha e kambernan ofreci ta illegal of no ta existi mes!’ segun mentor Edy Ranada.

Pa mas informacion por tuma contacto cu mentor Edy Ranada via email: edyranada@hotmail.com of via WhatsApp 0031651329489. E email di POC Enschede ta pocenschede@hotmail.com.

Akinan nos ta publica un lista di e website pa busca y inscribi pa haya un camber pa e ciudadnan  Enschede, Hengelo, Deventer y Zwolle.

Pa  Enschede, Hengelo y Deventer  www.saxion.nl/studeren   www.su.utwente.nl/kamers   www.acasa.nl   https://www.sjht.nl

www.veste.nl   www.duwo.nl  (Deventer)

Via makelaar   www.vlugwonen.nl   www.kamertje.nl/kamers_in_enschede

www.kamernet.nl

Pa Zwolle  www.sshxl.nl/steden/zwolle

Riba e site di SSH bo tin posibilidad pa studiantenan Hulandes. y  tambe  explicitamente pa studiantenan exterior di Hulanda.

Riba e site di exterior bo por cuminsa registra y inscribi bo mes for di promer siman di luna di mei 2018. Periodo di 5 te maximal 12 luna.

Bo por registra solamente si bo ta biba pafo di Hulanda y si bo ta eerstejaars.

 

- Advertisement -

DUNA COMENTARIO

Please enter your comment!
Please enter your name here