Home Turismo Tin basta interes pa bay Bonaire cu Aruba Airlines

Tin basta interes pa bay Bonaire cu Aruba Airlines

23
0
SHARE
- Advertisement -

Segun Francisco Arends:

ORANJESTAD  (AAN): Francisco Arends durante e vuelo oficial pa Corsou, a anuncia tambe cu dia 30 di november nan ta bulando pa Boneiro. Si mira e bookingnan, e ta tremendo. Boneiro ta bendiendo masha hopi mes pa Aruba y Aruba tambe y Corsou. Por book Corsou-Boneiro y Boneiro-Corsou.

E booking ta bayendo hopi bon y sperando cu e bira un exito rotundo. Pesey a bin pa yuda cu e airlift. Yuda Aruba, Corsou y Boneiro cu mas airlift posibel.

Arends a sigui comenta cu Aruba Airlines ta den plan actualmente pa habri rutanan mas pazuid. Kier bula pa Colombia. Ta bezig cu nan y ta bezig cu Merca, pa nan por otro aña cuminsa expande nan rutanan. Actualmente nan ta bulando cu e airbusnan pa Valencia, Maracaibo y ta bulando Miami.

Tambe tin un vuelo di Cuba-Aruba-Georgetown y vice versa. Bin bek tur dia. Tambe ta un exito rotundo riba e vuelo. Tur vuelo ta yen. Aruba Airlines ta bayendo hopi bon, danki na e pueblo, danki na e confiansa, tanto Corsou, Aruba y Boneiro.

Actualmente un CRJ a bay den shop pa bay haci su C-check y despues pint’e. Ta calcula cu nan lo ta cla den luna di Januari. Asina cu e avion yega, esun cu no ta pinta, cu a cuminsa bula pa Aruba Airlines, ta bay bek, pasobra mester tin dos pa tin backup tambe pa si algo pasa, tin e di dos como backup y tambe bula tussendoor pa dos destino mas na Venezuela, cu ta habriendo Barquisimeto y tambe Las Piedras.

Arends a sigui splica cu a ripara cu tin hopi exito riba e viaheronan di Corsou pa bay Maracaibo, pa bay Miami. Nan ta book Aruba Airlines y ta bay Aruba y na Aruba nan ta sigui door cu Aruba Airlines pasando e US Customs y tambe ta mira e loadfactor, ta subiendo na Corsou.

Esey tambe ta e idea mañan cu cuminsa bula Barquisimeto cu Valencia, cu tambe ta haci conexion cu e pasaheronan por book pa Barquisimento-Valencia via Aruba. Tanto Corsou como Boneiro. Aruba Airlines ta look forward pa tin un exito rotundo.

 

 

- Advertisement -

DUNA COMENTARIO

Please enter your comment!
Please enter your name here