Home Salud Tin muchanan di 9 pa 10 aña cu ya caba ta activo...

Tin muchanan di 9 pa 10 aña cu ya caba ta activo sexualmente

983
0
SHARE
- Advertisement -

Segun datonan di Wit Gele Kruis:

ORANJESTAD  (AAN):  Sra. Giel, Tienermoeder Consulent na Wit Gele Kruis a duna di conoce cu segun datonan, e hobennan cu for di un edad hoben ta tene relacion, cu despues ta resulta den un embarazo hubenil, ta cuminsa for di 5e klas.

Muchanan di 9 pa 10 aña ya caba ta activo sexualmente, ta muchanan cu ya caba tin nan carga cu nan. Sea ta muchanan cu a wordo abusa sexualmente of cu ta muchanan cu ta lanta den un ambiente di hogar violento. Ta muchanan cu no ta haya atencion na cas y ban ta bay busca atencion ariba caya, naturalmente e atencion robes.

Door di nan edad jong, nan no sa kico nan ta haci. Y nan ta bira manera un prooi pa mucha hombernan mas grandi, y door cu nan no tin e conocemento, nan ta bira victima facil.

Muchanan cu ta bay den nan pubertijd, hormonanan ta bruha. E amor di hubentud ta cuminsa, cual ta normal. Pero ta informacion cu e muchanan ta haya y con nan ta anda cu e informacion. Muchanan di rond di 12 pa 13 aña ta bira prooi di mucha hombernan di 17- 18 aña cu ya caba tin experiencia y ta un solo cos nan kier, cu ta e acto.

Awendia mester educa e mucha homber tambe. Nan kier tene relacion cu un mucha muhe di 12 aña, cual ta cay bou di abuso sexualmente. Si bo wak den practica, cu ta wak cu ta mucha hombernan cu tin nan carga tambe, ta bin den e circuito criminal, nan ta esunnan cu ta persigui e mucha muhe jongnan aki. Pero e ta contrario tambe. Paso ta haya mucha muhenan cu tambe ta haci esaki cu e mucha homber.

Pa e motibo aki tambe mester educa tur dos, y p’esey ta bin cu educacion sexual, unda ta splica nan e factornan cu ta hunga un rol rond di sexualidad, segun Sra. Giel, di Wit Gele Kruis.

- Advertisement -

DUNA COMENTARIO

Please enter your comment!
Please enter your name here