Home Actividad Especial Tin nochi di baliadornan di Fundacion Movemiento ta Bida Diasabra 11 November

Tin nochi di baliadornan di Fundacion Movemiento ta Bida Diasabra 11 November

98
0
SHARE
- Advertisement -

ORANJESTAD (AAN): Fundacion Movemiento ta bida (FMTB) kier anuncia na tur e fanaticonan di bon fiesta cu e aña aki diasabra dia 11 di november  ta celebra nos di “6” Fundraising “Nochi di Baliadornan” den Renaissance Covention Center for di 8 or te cu 1 or.

Manera tur aña e fiesta aki lo hiba bo back den tempo y laga bo pasa un anochi inolvidabel.

FMTB a tene cuenta cu tur hende y a baha e prijs di entrada, dunando asina back na tur esnan cu semper a yuda nos, juda otro.

Lo bai tin 3 banda fuerte cu lo demonstra cada uno loke nan tin aden y specialmente con bon nan por laga bo balia ,canta y goza. The Strangers y The NewTramps lo tei presente pa hiba tur hende den trance formal gozando di e anjanan 60 te cu 90.

Ban back den tempo di Shindig y Flower Power. Temponan dushi di Aruba unda fiestanan tabata cuminsa diadomingo merdia 2’or . Ken no ta corda e fiestanan den Club Surnam, Club Orquidia, Bonaire Club, Eagle Club , Strand Hotel y hopi lugarnan mas rond di Aruba unda e teenagernan tabata goza.

Pa e aña aki FMTB a haya e top artista di Corsow Edsel “Payo”Juliet cu su Banda Loca cu a coopera y a disidi cu e lo bai duna e anochi aki un extra swing cu su cancionan conoci di tur tempo manera, Dale cu Awa, Ata e fiesta ta bai cuminsa, Bo no ta bira bieuw y awor e la caba di lanza su ultimo produccion Respeta Cultura.

Ambiente lo ta bai tin diasabra anochi dia11 di november den Renaissance Convention Center cuminsando for di 8’or te cu 1’or. Un bataya fuerte di e bandanan caminda nos tur lo pasa un anochi sumamente agradabel topando amigo y amiganan di e tempo ei.

Busca bo caarchi na Cliffix, Cas di Cultura, Precious Anardey y na oficina di FMTB na IBISA.

Corda cu entrada ta limita dus cumpra bo caarchinan na tempo pasobra e fiesta aki no ta bai worde ripiti.  Baliamento ta sumamente bon pa tur hende asina ta no keda cas pa otro conta bo con dushi nan a pasa. Ta warda un y tur.

 

- Advertisement -

DUNA COMENTARIO

Please enter your comment!
Please enter your name here