Home Suceso Tres sospechoso deteni den caso di Hincamento fatal

Tres sospechoso deteni den caso di Hincamento fatal

8860
0
SHARE
— Chini Tse Mora di 40 aña.
- Advertisement -

LAST UPDATED: 12:40 PM

ORANJESTAD (AAN): Tabata Diadomingo marduga algo despues di 4:30 am, cu un unidad di Polis pasando riba caminda principal di Tanki Leendert, na altura di OK Supermarket tiki pabao di Capel Huan Pablo II, a wordo grita door di un grupo di persona canto di caminda.

E unidad di Polis mesora a stop, y a bin compronde di e personanan cu tin un caso serio eynan, unda tin un homber benta abao canto di caminda.  E testigonan a splica na Polis, cu nan tabata pasando y a mira tres homber ta bringando mahos cu e persona, te cu el a cay abao.   Nan a baha pa purba defende e persona, y aki e tres hombernan a core bay.  Uno di nan tabatin un cuchiu grandi den su poder.

— Tres sospechoso deteni.

Polis a check e victima, y a nota cu e tin varios hinca na su curpa, y e tin dificultad pa hala rosea y no ta reaccionando.

E testigonan mesora a notifica Polis, cu un auto a sali cu speed halto bay direccion pariba, y tin algun otro hende cu a cana bay pabao direccion Tanki Flip.

E unidad di Polis a pidi presencia urgente di Ambulans, y tambe a solicita pa Autoridad Hudicial y mas refuerzo yega pa asina check tur testigo, y esnan cu a cana bay.

Polis mesora a bay direccion pariba, pero a haya nada di e auto.  Autoridad a bay check banda pabao y a haya tres persona canando na Tanki Flip banda di Pencro Electronics.  Como medida di seguridad di e oficialnan, a detene e sospechosonan pa asina por interoga nan si acaso nan ta envolvi den e caso of no.

Ambulans a yega rapido, y mesora Paramediconan a pone e machine pa check curazon di e victima masculino, y a nota cu tin di haci reanimacion urgente.  Mesora Paramediconan a cuminza reanima.  A pidi presencia di mas Paramedico pa duna un man.  Poniendo varios infuus y controlando e curazon e rosea, tog no por a rescata e persona.

Paramediconan a haci tur nan esfuerzo, y na final a pidi pa Docter presenta.

Centro di Alarma a manda busca Docter, y pa 6:05 am, Docter C. Texier a constata morto di e homber Chini Tse Mora, naci na Republica Dominicana dia 19 di October 1977, pues tin 40 aña di edad.  Autoridad halto a presenta, y Fiscal mr. Kardol a tuma e curpa den beslag pendiente mas investigacion.

Famianan a yega na e lugar y no por a kere cu nan ser keri a ser mata.  Su querida mama tambe a cay abao y casi bay for di tino, y tabata yora sin stop.  Pesey e funcionarionan di Slachtofferhulp tambe a keda solicita pa duna un man.  Persona Forensico di BFTO tambe a yega pa asina check tur muestra di prueba eybao.

Vocero Policial Lito Lacle, a confirma na DIARIO cu esaki a bira e di 5 caso di asesinato pa 2017 na Aruba.  Awor nan ta investigando y interogando e tres personanan deteni.  Tambe ta pidi cualkier persona den area cu tin Security Camera instala, pa nan revisa e video.  Lo ta bon tambe pa tur hende den area di Tanki Leendert of Tanki Flip pa check si acaso nan por a zwaai e cuchiu y e ta benta sea den cura di hende, of den baki di sushi.

Chini Tse ta un persona cu ta amante di Baseball, y ademas ta un bon bailador.  Hopi amigo a keda den shock cu su fayecimento.

Na famia di e fayecido, DIARIO ta manda su mas profundo palabra di condolencia.

- Advertisement -

DUNA COMENTARIO

Please enter your comment!
Please enter your name here