Home Politica Un biaha mas un persona a perde su bida pa via di...

Un biaha mas un persona a perde su bida pa via di negligencia medico

916
1
SHARE
- Advertisement -

Segun Dr. Gerrit Croes, presidente di MEP:

ORANJESTAD   (AAN):  Presidente di Partido MEP, Gerrit Croes ta lamenta cu un biaha mas un persona a perde su bida pa via di un mal maneho, tanto na personal medico como esun di hospital.

Ta basta tempo atras e personal encarga cu e MRI di hospital a informa, na tempo y debidamente, na e director y e Raad van Bestuur (RvB) di hospital di e lamentabel estado di e aparato di MRI.

Cu fecha y un bon splicacion tecnico a mustra cu e aparato di MRI lo no ta disponibel mas pa atende cu e cantidad di pashentnan cu ta acudi tur dia pa haci e test aki. Ta di lamenta cu a pone como solucion na e problema pa bin cu un mobile MRI pa cumpli cu e demanda te ora cu e MRI nobo wordo instala.

 

Problema di MRI

Pero kico tabata e posicion di director y RvB? Warda te ora e MRI nobo wordo instala, lagando henter e poblacion di Aruba sin e posibilidad pa haci e e test aki, cu manera nos por a mira recientemente, a afecta y de facto a costa bida di un persona. Analisando esaki nos por conclui cu director di hospital hunto cu RvB y e minister di salud tabata na altura, di e problema di MRI y cu e lo no funciona pa tal fecha y durante un periodo largo, lagando e pueblo di Aruba sin proteccion pa falta di un MRI. Cu a pesar cu un alternativa a wordo poni riba mesa, esta di trece un mobile MRI pa cumpli cu e demanda y pa no causa mas gasto na hospital y cual gasto tabata e unico preocupacion di e director y e ministro, lubidando cu bida di hende ta hopi mas importante, a keda sin haci nada y warda te ora e otro MRI wordo instala!

 

Secreto medico
   Awe nos por scucha di e director mes con e ta trece publicamente secreto medico di e pashent dilanti pa purba di scapa su peyeho debi na e mal maneho aki. Pa nos cu ta medico y cu ministro di salud tambe ta medico, secreto medico ta sumamente importante y relevante na momento di duna cierto informacion di personanan cu cierto malesa. Director di hospital a actua incorecto den esaki y e ta un motibo basta serio pa duna honor na su mes y pidi su retiro per direct! Como funcionario di hospital bo tabata na altura di e caso aki y bo no a haci nada. Bo a gamble cu e situacion y awe un persona a paga e consecuencia. Bisa mi si esaki no ta motibo suficiente pa investiga y condena e acto aki?

 

Mehora servicio medico
   Esnan encarga cu direccion di hospital y e servicio di urgencia mester reevalua esaki y pone prioridad pa trece mediconan capaz y cu SI por atende cu casonan di emergencia.
No ta promer biaha cu un persona a perde su bida pa via di negligencia medico y nunca nada ta sali afo. E momento a yega pa pone un paro na esaki y mehora e servicio medico.
Ta di lamenta cu e director mes ta particip’e na esaki. Sr. Cilie, duna honor na bo mes y pidi bo retiro awe mes. Un hospital mester ta bon equipa berdad, pero bo personal tambe mester ta bon prepara pa duna e cuido y aki e mediconan encarga cu e atencion di e pashent a faya barbaramente. Mi ta spera cu esaki lo ta e ultimo caso y cu e coreccion necesario wordo tuma. Ta varios caso a tuma lugar cu te dia di awe no tin claridad riba nan, lagando hopi di desea di e servicio di emergencia di hospital. E momento a yega pa actua y pone e ser humano central y esun cu no por, laga espacio pa otro si haci’e.

- Advertisement -

1 COMMENT

  1. Ma bon Gerrit ta bin papia na grandi, pero Gerrit ta lubida cu TUR medico ta ser humano. Si nos mira Gerrit su pasado nos tambe por piki pieuw manera no tin majan. Cuanto biaha abo mes como docter pa bo deseo di gana placa, bo a prescribe medicamento fout pa bo clientenan, paso den BO caso, bo tampoco no tabata actua den e mihor interes di e enfermo. Bo argumento pa e Director per direct retira di su trabow ta falsamente opgebouwd cu poco solucion na un problema cu ta serio. Awo mi no ta culpa abo paso ta di MEP bo a sinja anto MEP ta asina so boso ta traha. Semper ta punta dede, pretende di bati riba bo pecho tras di bo CV (manera un Donald Trump) cu poco vocabulario Arubiano unda e solucionan ta hopi claro pa e idiota (ta 1 MRI so tin den full Caribe??). Dus abo retira di bo trabow anto e dia abo mester di un MRI spera nan no pone abo na final di e lista manera abo ta haci cu cualkier persona ariba e edad di 55 anja na Aruba.

DUNA COMENTARIO

Please enter your comment!
Please enter your name here