Home Policial Varios boto, auto y gasolin confisca cerca esnan cu ta haci contrabando

Varios boto, auto y gasolin confisca cerca esnan cu ta haci contrabando

439
0
SHARE
- Advertisement -

Golpi fuerte contra crimen

ORANJESTAD (AAN): E siman aki, personanan cu ta envolvi den contrabando di combustible, a haya un golpi fuerte di Afpakteam Integral di Aruba.

Afpakteam conhuntamente cu varios otro instancia, manera Cuerpo Policial di Aruba, Aduana  y Kustwacht, a tene razzia na diferente adres na Aruba riba Diamars anochi y a detene seis persona.

Na varios lugar a haya un cantidad bastante grandi di combustible ilegal, cual a worde tuma den beslag.

Tambe a tuma un Speedboat tipo Go-Fast y tres vehiculo cu tabata worde usa den e contrabanda aki den beslag pa Afpakteam.

Contrabanda di fuel ta prohibi pa ley. Baha combustible na canto di lama, sigur cu e meta pa bende, ta un crimen. Desde corto e importacion di combustible (otro cu na cantidad grandi) a worde prohibi. Esaki ta dirigi riba particularmente cantidadnan chikito treci abordo.

E lucha contra e importacion, deposito y benta di fuel tin prioridad halto di Ministerio Publico y Afpakteam.

E razon mas importante pa esaki ta e gran peligro cu traficacion ta trece cu ne pa personanan y propiedadnan. Den e ultimo lunanan por ehempel, a resulta cu un boto Go-Fast carga cu gasolin a pega candela riba lama grandi y a kima completamente. For di investigacion a resulta cu e fuel ta worde transporta, baha, warda y bendi den nos vecindarionan na un forma totalmente ireglamenta y insigur. Ta papia pa su mes cu si un di e lugarnan aki den un vecindario yena cu cas, pega candela, e consecuencianan lo ta hopi grave.

E di dos motibo ta pa bringa competencia unfair.  Combustible ilegal ta worde bendi na un prijs mucho mas abao, loke ta haci competencia hopi dificil.

Afpakteam ta un cooperacion entre Ministerio Publico, Cuerpo Policial di Aruba, Aduana, Fiot (Fiscale inlichtingen- en opsporingsteam) di Departamento di Impuesto, FIOD (Fiscale Inlichtingen- en Opsporingsdienst), Marechaussee (KMar), Kustwacht Aruba, Meldpunt (Meldpunt Ongebruikelijke Transacties) y RST (Recherche Samenwerkingsteam) y ta traha riba combati criminalidad financiero economico. Afpakteam a start riba prome di maart. Si bo persona por tin informacion tocante señalnan di labamento di placa, anto por acerca afpakteam via e-mail na: afpakteam@kparuba.com of via tiplijn: 111-41.

 

- Advertisement -

DUNA COMENTARIO

Please enter your comment!
Please enter your name here