Home Policial Varios chauffeur ta sigui core na man robez riba Green Corridor

Varios chauffeur ta sigui core na man robez riba Green Corridor

4076
2
SHARE
- Advertisement -

Alex Pieters:

ORANJESTAD(AAN): Awor aki, velocidad, mirando cu Green Corridor a keda cla, a ripara cu den e ultimo lunanan, casi tur fin di siman tin un accidente pisa, segun hoofdagent 1ste klasse, Alex Pieters.

E controlnan lo bay subi mas tanto pa velocidad riba Green Corridor na banda drechi. A ripara cu ainda tin hopi auto ta core na man links, mientras cu aunke cu no ta algo nobo na Aruba.

Pieters a ta comenta cu riba Sasaki tabata tin e regla ey. Nos leynan ta bisa pa core full na man drechi di caminda. Si e caminda bira dos rijstrook of a bira tres, te cuater mes, e ley ta keda bisa cu bo tin cu core full na man drechi riba caminda.

Na momento cu ta bay haci uzo na banda links, ta ora bo ta bay pasa un vehiculo cu ta core mas trankilo cubo. E ora bo por haci uzo di man links. E ora bo ta hala rechts back. No ta e intencion pa core tur dos lane y core poco poco pa stroba trafico. E intencion di e dos bandanan ta pa e trafico flow mas miho y no lubida cu e maximo velocidad ta keda mesun cos cu ta 80.

E no ta un highway mescos cu Hulanda y Merca cu ta subi pa 100 of 120. E control lo subi pa velocidad tambe, pa asina mantene e accidentenan abao y e daño cu ta bin tambe ora cu auto cu ta core duro, tambe ta purba di mantene abao.

Cambionan:

Lo bay tin hopi mas cambio, segun Alex Pieters. Pa e parti di Young Fellow, DOW ta bezig cu cambionan den infrastructura. Polis mes lo tene supervision riba e cambionan aki mira unda e peligernan lo bay sinta y eynan lo bay focus. Unda cu tin hopi reclamo di coremento duro y accidente, eynan nan atencion lo bay ta.

A base di accidentenan, on the long run lo bay wak ki cambio mas mester bin pa por contene e peliger. Unda tin cu pone borchi di aviso cu ta yegando rotonde, e por ta reflectornan riba caminda, etc. Awor aki tur e tramitenan ey mester worde cuminsa.

Seatbelt:

Seatbelt ta un exigencia cu nan ta enfoca riba dje durante control. Algun aña pasa a cuminsa hopi pisa riba dje, unda cu nan a haya keho di e manehadornan cu no tabata contento. Despues di tempo, a ripara cu bastante hende ta bistiendo seatbelt. E seatbelt ta salba bida. Hopi hende ta pensa di bisti’e, pasobra polis ta duna boet.

E cuestion ta cu ora bo no bisti bo seatbelt, mayoria di e autonan nobo, cu tin airbag, e airbag ta sali cu un velocidad di 200 kilometer pa ora. E ta sali asina lihe den 1.2 pa 2 seconde.

Si bo no tin bo seatbelt bisti, e airbag aki ta sali y por trece hopi daño na bo cara, na luga di salbabo. E seatbelt ta traha di tal forma cu ora bo hayabo den un accidente, hasta cu 20 kilometer pa ora, e seatbelt ta tenebo net e 2 centimeternan ey pa e airbag haya chens di sali completo, e seatbelt ta tenebo pa e por sali completo, pa despues bo cabes touch e airbag.

No wak pa polis, ni pa boet, sino pa bo mesun siguridad. No lubida tambe, pa e muchanan patras sinta, bao di 12 aña tambe ta obliga pa bisti seatbelt. Ta mira hopi hende ainda ta falta pa haci esaki. Hopi mucha ta para patras. Si haya e chauffeurnan aki ta haya un proces verbaal. No ta pa e hecho cu bo ta haya boet, of pa polis garabo, pero haci’e pa bo mesun siguridad.

Ken ta haya boet:

E chauffeur ta haya boet si e pasahero no tin un seatbelt bisti. Tambe e ta conta pa esnan sinta patras. E ta responsabel riba caminda pa loke tin den su auto. E mester exigi for di ora cu drenta den auto, pa bisti seatbelt. Si no haci’e, ta su riesgo e ora cu ta core cu nan, sin dje.

No mester lubida, si e chauffeur su so bisti’e y no exigi e otronan bisti’e, e pasahero lo bay ta los den auto, e lo dal den glas, e por dal den su mesun cabes tambe. E ta conta pa muchanan patras sinta tambe. Un mucha por haya di 30 pa 40 kilogram cu un velocidad di 50 kilometer pa ora, ya caba bo por imagina un obheto di 1000 kilo ta bin dal den bo cabes patras. Esey tambe por causa morto, mientras cu abo tin bo seatbelt bisti.

Corda riba esaki. Ora bo ta participa na trafico, bo mester tin tur atencion na trafico y haci pa bo ta mas safe posibel y esey ta bay scapa bida.

 

 

- Advertisement -

2 COMMENTS

  1. Mi comentario ta cu si bo core na man drechi ..jega na rotonde di mahuma …ta dificil bo drenta man robes pa bo bai sta Marta

  2. E solushon pa evita auto core poco poco na banda links di e caminda di green corridor ta, laga e motorbrigade patruya e via nan ey pa asina regula esnan cu no sa regla di trafico y duna waarschuwiing pa despues cuminsa parti boet si e automobilista sigui core robes toch. E ta fastioso pa esnan cu si ta mantene nan mes na reglanan international, ya cu bo mag di pasa un auto na banda rechts tampoco. Esey tambe por causa cu bo ta haña boet pa haci tal maniobra.

DUNA COMENTARIO

Please enter your comment!
Please enter your name here