Home Noticia Internacional Venezuela: Autoridadnan a detene seis alto ehecutivo di Citgo, filial di PDVSA...

Venezuela: Autoridadnan a detene seis alto ehecutivo di Citgo, filial di PDVSA na Merca

280
0
SHARE
- Advertisement -

Autoridadnan Venezolano a detene pa nan supuesto corupcion, presidente y cinco vice presidente di Citgo, filial na Merca di compania petrolero estatal PDVSA, recien declara den default pa un grupo di acreedor.

Ta trata di “seis alto ehecutivo deteni” cu lo wordo acusa di “fraude, convenio di un funcionario publico cu contratista, legitimacion di capital y asociacion” pa comete delitonan, segun Fiscal General, Tarek William Saab.

Presidente di Citgo, Jose Angel Pereira, a wordo deteni na Caracas, mientras nan no a indica lugar di aresto di Tomeu Vadell, Alirio Zambrano, Jorge Toledo, Gustavo Cardenas y Jose Luis Zambrano, vice presidentenan di diferente departamento di Citgo.

“E funcionario tabata facilitadornan pa estrategia di presion internacional,servicio di un potencia extranhero contra e pais, pasobra mester tin un vision anti-Venezolano pa trece riesgo contra nos principal filial estatal”, Saab a bisa.

E detencionnan a tuma lugar den momentonan cu Venezuela ta pasando den problemanan serio pa paga nan debe soberano y di PDVSA, cu ta aporta 96% di divisa di e pais.

Siman pasa, PDVSA a wordo declara den default pa Asociacion Internacional di Swaps y Derivado (ISDA), cu ta reuni ropietarionan di bononan, despues cu agencianan S&P Global Ratings y Fitch a califica e empresa y e pais den incumplimento parcial.

E titulonan di e compania ta representa 30% di debe externo Venezolano, estima den 150.000 miyon di dolar, cu presidente Nicolas Maduro ta purbando di refinancia, aunke expertonan a indica cu lo ta hopi dificil pa sancionnan di Merca.

Citgo y otro filialnan di PDVSA por wordo embarga como parti di un proceso di litigio contra Venezuela si nan no cumpli cu nan obligacionnan di debe, segun Eurasia Group y otro centronan di analisis.

Segun Saab, e ehecutivonan di Citgo, “probechando di nan funcion como representantenan legal di e filial”, a firma dia 15 di Juli di 2017, un contrato cu companianan Frontier Group Management LTD y Apollo Global Management LLC, riba un supuesto renegociacion di debe.

“Basa riba firma di e contrato den un supuesto refinanciamento di programanan
di debe di aña 2014 y 2015 pa solicita prestamonan bao condicion inhusto, desfavorable pa nos industria principal, manera PDVSA”, Saab a splica.

E contrato lo permiti “un financiamento pa un suma di hasta 4.000 miyon di dolar
sin conta beneficionan pa ehecutivonan”.

Segun e funcionario, “loke tabata mas grave” tabata cu nan a ofrece como garantia, filial Citgo mes, refineria principal di petroleo y comercializador di gasolin y lubricante di Venezuela na Merca.

Corupcion, un produccion den caida liber -1,9 miyon di bari pa dia, compara cu 2,27 miyon di bari na 2016- y uso di PDVSA como un banco pa financia gasto social, a debilita e compania, cu a yega di ta un di e cinco mas grandi di mundo, segun expertonan.

- Advertisement -

DUNA COMENTARIO

Please enter your comment!
Please enter your name here