Home Enseñanza Wit Gele Kruis lo cuminsa cu opleiding pa profesionalnan den cuido di...

Wit Gele Kruis lo cuminsa cu opleiding pa profesionalnan den cuido di mucha

29
0
SHARE
- Advertisement -

ORANJESTAD(AAN): — Wit Gele Kruis lo bay cuminsa cu un di tres module cu nan tin cu Rino Amsterdam, cual ta un instituto profesional di Hulanda, cu ta yuda WGK na Aruba pa yuda profesionalisa enfermera y otro coleganan cu ta traha cu mucha.

Na Maart, di e aña aki a cuminsa cu un opleiding dirigi riba observacion di e baby te cu 3 aña, 4 aña y ta bay un tiki mas leu te cu 5 aña unda cu a ripara cu mester di guia profesional den esaki.

A acerca colega Lupina Croes pa yuda pa busca un instituto na Hulanda pa yuda cu e opleiding aki. Asina cu a cuminsa na Maart cu e instituto pa asina profesionalisa e coleganan di Wit Gele Kruis y asina tambe duna oportunidad na otro coleganan cu ta traha cu mucha, den e caso aki di baby te cu mucha te cu 5 aña na Aruba.

Tin cu bisa cu e module a cuminsa cu no solamente coleganan di Aruba pero tambe cu esnan di Corsou y Boneiro. Tambe tin coleganan di Saba. A haci’e no solamente pa e Arubianonan, pero a trece instancianan manera Reno Amsterdam cu ta un instituto renombra na Hulanda pa guia profesionalnan riba HBO niveau, mirando cu ta academiconan so por forma parti na e curso aki.

E ta un HBO plus opleiding, segun Gino Goeloe, director di Wit Gele Kruis. Nan ta hopi contento cu ta bezig cun’e, pasobra ta algo cu mester di dje, pa asina guia nos enfermeranan pero tambe coleganan cu ta traha cu nos muchanan den e caso aki, manera JGZ dr. Van Heiningen, kende tambe ta participa na e opleiding aki y asina na luna di November, ta bay sigui cu e opleiding aki, unda cu Reno ta bin pa cuater dia di curso. E curso aki ta termina aki tres aña.

Na 2019, tur participante ta haya un diploma reconoci, acredita door di Rino Amsterdam, Hulanda, den e caso aki.

 

- Advertisement -

DUNA COMENTARIO

Please enter your comment!
Please enter your name here