Home Cultura Xaviera Rigters Aubri cu tremendo workshop di creatividad

Xaviera Rigters Aubri cu tremendo workshop di creatividad

30
0
SHARE
- Advertisement -

Pa mucha na Scol di Arte

ORANJESTAD (AAN): Recientemente a tuma lugar un workshop di arte duna pa Xaviera Rigters Aubri, kende ta duna les na Academia di Arte na Hulanda, a dicidi di duna e workshop pa mucha na Scol di Arte na San Nicolas.

Durante un entrevista cu DIARIO, señora Rigters Aubri a splica cu el a bin Aruba pa orienta su mes riba e posibilidad pa duna workshops di desaroyo di creatividad na mucha.

El a splica cu esaki a cuminza door cu e mes ta traha den mundo di moda como un estilista na Europa y Asia.

“Door mi a studia na Academia di Arte mescos cu mi mama cu a nace na Aruba, constantemente mi ta ocupa cu creatividad”.

“Durante hopi tempo mi tabata tin mi carera y a bira tempo pa duna bek”, segun Xaviera.

“Mi a pensa di hasi esaki pa Aruba, pasobra Aruba a dunami e tempo mas feliz di mi hubentud”.

“Semper mi tabata wak con hendenan na Aruba semper tabata crea obranan cu por ehempel skelpi , unda cu bo ta wak cu Aruba su cultura ta uno di creacion”.

Esaki segun e estilista, kende a indica cu e ta cuminza na duna workshops gratis, pasobra e sa tambe cu no tur hende ta financieramente bon para.

Un di e problemanan cu hendenan cu kier ta creativo por tin, ta cu e materialnan hopi biaha por ta caro.

“No mester uza semper e materialnan caro, pero ta importante pa ofrece nan e desaroyo”, segun Rigters Aubri.

- Advertisement -

DUNA COMENTARIO

Please enter your comment!
Please enter your name here