Ya screening a cuminsa pa despues defini ken lo bira minister

    273
    0
    SHARE
    - Advertisement -

    Evelyn Wever-Croes:

    ORANJESTAD   (AAN): Segun Formador, Evelyn Wever-Croes, tur cos ta bezig awor aki, wardando e ultimo resultadonan di e screening, pa despues fiha kendenan lo bira minister y pa presenta esaki na Gobernador. Tin cu tene cuenta cu e parti di screening ta concerni diferente departamento.

    Segun landsbesluit di 2013 cu ta trahando cun’e, tin cu busca na tres departamento. Uno ta cerca procurador general, e otro ta na veiligheidsdienst y e otro ta na Belasting. Cada un ta haci un feitenonderzoek. Un investigacion riba hechos y nan tin cu presenta esey.

    Evelyn Wever-Croes a splica cu tin e confiansa cu tur cos ta bay manera cu e ta. Loke ta haciendo ta keda cla cu reparticion di cartera prome pa laga sa ken ta pasa e screening. Pero preliminarmente a cuminsa riba locual cu ta kere cu lo bay ta e caso. Naturalmente cosnan cu a cambia lo por bolbe cambia den mas dia. Pero lo bay keda cla den e proximo dianan aki.

    Awor aki e no por divulga kendenan di MEP a bay screening. Esaki ta un peticion cu Gobernador a pidi encarecidamente. Manera cu tin e posibilidad pa informa, lo haci esaki, segun Evelyn Wever-Croes.

    E por dura algun ora of dia, cu un anuncio lo bay wordo haci cu tur cos lo keda cla. Riba esaki pueblo di Aruba henter lo keda pendiente.

     

    - Advertisement -

    DUNA COMENTARIO

    Please enter your comment!
    Please enter your name here