Home Hudicial 18 luna di prison pa homber haya culpable di entre otro menaza...

18 luna di prison pa homber haya culpable di entre otro menaza y maltrata un dama

69
0
SHARE
- Advertisement -

ORANJESTAD (AAN) – Mientras cu Fiscal a exigi 22 luna di prison, Hues a reduci e castigo cu solamente 4 luna. El a haya e homber G.K. culpable di un serie di delitonan entre otro menaza di su amiga y maltrato, cumpra motorcyclenan horta na Hulanda, posecion di cocaina y marihuana.

EXIGENCIA DI FISCAL

Luna pasa tratamento di e caso a tuma lugar caminda Fiscal a bisa cu den Corte, G.K. ta mustra cu e ta bayendo den bon caminda pero segun e acusacionnan ta mustra cu no ta asina. Na opinion di Fiscal, G.K. a maltrata e dama R. door cu R. a bay sali anochi sin su permiso. Tambe G.K. a menaza e dama cu morto. Fiscal a bisa cu G.K. a admiti esakinan tambe. Fiscal a mustra cu pa oranan largo G.K. a maltrata e dama y esaki tabata premedita. Fiscal ta haya cu G.K. a bay e apartamento y warda e dama yega.

Fiscal a sigui cu a haya 659 gram di cocaine den un auto na cas di G.K. Esaki tabata forma parti di un bloki di cocaine cu a haya resto di e material cu tabata empaketa den e auto. Na opinion di Fiscal, a haya e mesun bloki di cocaine su potret den cellular di G.K. Esaki ta mustra cu ta G.K. ta doño di e bloki di cocaine.

A haya diferente caminda den e cas marihuana. En total 413 gram a keda confisca. Fiscal a bisa Hues cu no por determina cu e droga aki ta di G.K. pasobra a haya diferente parti na cas. Pesey Fiscal a pidi Hues pa declara G.K. liber di esaki. Fiscal a mustra cu tin mas hende ta keda na e cas y ta bira dificil pa determina cuanto di e cantidad realmente lo ta di G.K. Tambe e bala cayente cu a haya el a pidi pa declara G.K. liber.

Pa loke ta e motorcyclenan, 2 ta procedente di Hulanda y hasta tabatin number Hulandes ariba nan. Fiscal a mustra cu den pasado caba G.K. tabata sera pa hortamento di vehiculonan y a keda condena na 2010. Na 2012 a condena G.K. tambe pa incubrimento.

Na opinion di Fiscal, G.K. ta bisa cu el a cumpra e motorcyclenan for di un persona pero no kier menciona nomber. Esaki ta mustra cu e kier tapa pa otro. Fiscal ta haya G.K. culpable di incubrimento. El a mustra cu G.K. tabata dos biaha na Hulanda.
Fiscal a mustra cu segun maneho di Ministerio Publico, mester exigi castigo severo mirando cu G.K. ta un residivista. El a exigi 22 luna di prison pa tur e delitonan.

SENTENCIA

Hues den su sentencia recien a bisa cu e ta haya mescos cu Fiscal, cu G.K. no a haci su mes culpable posecion di e cantidad di marihuana y un bala cayente cu a haya na e cas. Sinembargo, Hues ta haya legalmente proba cu G.K. ta culpable di e otro acusacionnan. Esey ta encera, menaza, maltrato intencional, droga, incubrimento intencional.

Pa cu e castigo, Hues a bisa cu e ta tene cuenta cu e menaza y maltrato di e partner di G.K., ta tacha integridad di e victima. Ademas mas cu mey kilo di cocaine y un cantidad di marihuana a keda confisca.

Hues a mustra tambe cu dos motorcycle procedente di ladronicia na Hulanda, G.K. a cumpra. Hues a tene cuenta cu e carchi di castigo di G.K. caminda ya caba el a yega di wordo condena pa delitonan similar. Hues a condena G.K. na 18 luna di prison, kitando e tempo cu e ta sera den KIA. Hues a duna orden pa destrui e droganan y e motorcyclenan horta lo mester wordo entrega na nan doño.

- Advertisement -

DUNA COMENTARIO

Please enter your comment!
Please enter your name here