Home General A descubri cargamento grandi di clapchi bieu cu a yega for di...

A descubri cargamento grandi di clapchi bieu cu a yega for di China

172
0
SHARE
- Advertisement -

ORANJESTAD(AAN): Manera ta conoci na Wela tin un control awor aki andando. Mas of menos 16 container a yega Aruba for di China y na e momento cu nan a yega na Barcadera a hiba nan Barcadera.

Eynan a cuminsa trabao caminda cu tres container ta wordo habri caminda cu personal di Douane, den presencia di miembronan di DOW y tambe Brandweer y comision di vuurwerk ta haci e controlnan necesario, pa asina garantisa cu tur e control y tambe sacamento di tur tipo di vuurwerk di container ta bay manera mester ta pa no causa desgracia.

Hasta ta vigila riba Wela tur hende tin nan sapato bisti, nada di stof, etc. Ken cu tin slof ta wordo saca afo. Pero den e caso aki, durante e controlnan cu tabata tin, a descubri algo cu nunca a tuma luga antes. A descubri un cargamento masha grandi mes di un cantidad di clapchi cu ta bieu.

Clapchinan for di 2015 y te hasta 2012. Clapchinan cu den ningun forma por wordo bendi na Aruba. nan ta bieu y mesora e cargamento grandi aki. Ta papiando di hopi clapchi a wordo confisca pa e comision di vuurwerk. Ademas di esey un gran parti di e clapchinan cu a wordo descubri cu ta bieu, tin instruccionnan incomprendibel.

Awor aki tin exigencia unda tur clapchi mester tin instruccion, ki tipo di clapchi e ta y con tin cu tire. E clapchinan aki, hopi di nan, no ta comprendibel loke ta skirbi riba nan. E aña si ta poni, pero con ta anda cun’e no ta skirbi. Parce cu otro caminda e clapchinan mester a bay y nan a end up na Aruba.

Durante control a descubri nan y a confisca tur. Awor aki ta bezig ta sigui controla demas containernan si tin mas di e clapchinan aki cu tambe tabata den e containernan. Ademas di esey, a descubri atrobe den diferente container, pagaranan di mesun cantidad di tiro, pero cu diferencia di tamaño.

Tur e cosnan aki ta cosnan cu a wordo descubri durante control. Pero loke nan ta focus mas riba dje como comision di vuurwerk, ta riba e clapchi su aña cu el a wordo produci. No mag bende clapchi mas bieu cu dos aña. Controlnan ta sigui di parti di comision di vuurwerk na Wela.

 

 

 

- Advertisement -

DUNA COMENTARIO

Please enter your comment!
Please enter your name here