Home Policial A entrega raport na Minister Bikker pa pone na altura di e...

A entrega raport na Minister Bikker pa pone na altura di e problemanan den Cuerpo Policial

202
0
SHARE
- Advertisement -

Sindicato di Polis a reuni cu Minister di Husticia

ORANJESTAD  (AAN):  Siman pasa sindicato SPA tabata tin un reunion cu minister di Husticia, mr. Andin Bikker. Lider di sindicato SPA, Sr. Edgar Maduro ta splica mas di esaki.

Segun Sr. Maduro, e reunion aki tabata uno hopi fructifero. Nan a splica minister di Husticia e preocupacionnan cu e sindicato tin y e minister a compronde esaki, cu mester traha ariba dje y drecha Cuerpo Policial.

E deseo ta pa ora drecha e cuerpo, aki dos aña por wak con leu nan por yega. Nan tin un minister basta actief, e ta willing y el a scucha sindicato caba. Awo mester traha ariba un solucion.

Durante e reunion a toca e problematica di e miembronan, cu tambe ta keda hende ora cierto cosnan pasa. E ta compronde esaki. Tabata tin algun caso cu ta andando, pa cual a pone un pausa na e reunion. Lo sigui cu e reunion e siman aki ainda of den curso di otro siman.

Sr. Maduro a sigui bisa cu nan a entrega un rapport compila pa sindicato cual a wordo entrega na e minister tambe. Esaki tabata pa e minister ta na altura di e problemanan. A papia over di solucion pa e problemanan tambe.

Pa e sindicato e solucion ta manera un combo, cual ta encera placa, material etc. Ta cuminsa internamente, den Cuerpo Policial mes, pa despues afo. Hopi di e problemanan ta den cas, esey mester regla prome cu bay regla e diferente puntonan di problema cu tin. E problema e mas grandi, segun Sr. Maduro di SPA, ta interno.

Mas aleu Sr. Maduro a bisa cu lo bin tin un short di polis. Algun ta baha cu pensioen y otro ta bay studia afo. Esaki tambe ta un punto di preocupacion. Nan mester di mas polis y esunnan cu tin ta trahando hopi ora extra.

A papia cu e minister di tur e diferente punto. Pero prome mester cuminsa na drecha na e problema interno. Tambe tin diferente cosnan chikito cu mester wordo drecha. Ora ta papia di problemanan interno, Sr. Maduro a bisa cu ta papia aki di e cuerpo completo. Tin varios cos cu mester wordo drecha, pa cual no mester trece hende di afo.

Ta cuestion di comunicacion. Pero mester tene e preocupacion di un trahado, handle esaki di biaha y no mester warda tempo pasa, segun Sr. Edgar Maduro, di sindicato di polis, SPA.

 

- Advertisement -

DUNA COMENTARIO

Please enter your comment!
Please enter your name here