Home Gobierno A instala un ‘steering committee’ pa dentro di 90 dia bin cu...

A instala un ‘steering committee’ pa dentro di 90 dia bin cu un solucion pa dump

13
0
SHARE
- Advertisement -

Minister Otmar Oduber:

ORANJESTAD   (AAN): Dialuna mainta Minister Otmar Oduber a instala un asina yama ‘Steering Committee’, ta loke ta tratamento di desperdicio aki na Aruba.

E mandatario a bisa cu ta conoci cu durante varios aña caba tin un discusion riba con ta bay atende cu sushedad na Aruba y con ta bay traha riba e problemanan cu tin na Parkietenbos relaciona cu dump y tambe riba e problema di e dumpnan ilegal na Aruba.

“Awe mainta nos a instala e comision aki cu ta carga e sosten practicamente na un nivel nacional”.

“Esaki ta mustra e seriedad cu pa prome biaha ta wordo poni tras di e intentonan aki”.

Esaki segun minister Oduber, kende a  sigui bisa cu e ultimo rapport traha riba con pa atende cu tur tipo di sushi na Aruba, ta data di 1999.

Despues diferente instancia individual cu a purba traha rapport, incluyendo TNO y Utilities, pero nunca esaki a haya sosten.

E mandatario a sigui bisa cu awor tur e departamentonan concerni ta parti di e Steering Committee, hunto cu tambe e sindicato cu ta representa e trahadornan di Serlimar, garantizando ainda mas e posicion den Serlimar den comunidad.

“Di otro banda nos tin tambe den e comision un representante di ATIA y tambe un representante di e habitantenan di Parkietenbos”.

E minister a sigui bisa cu e comision aki tin e tarea pa dentro di 90 dia presenta na Gobierno e solucion a corto plazo, a mediano plazo y a largo plazo.

“E tarea di e comision ta tambe pa acerca TNO cu lo keda encarga pa por presenta un asina yama ‘TOR’, esta un ‘Terms Of Reference’, cu lo habri na mercado local y internacional pa tur hende por participa den con por yuda drecha e situacion cu tin na Aruba”.

“Sea bo ta hasi esaki door di inverti den ‘incinerator’ (machine pa kima sushi), of bo ta hasi partnerships etc.”.

“Hecho ta cu nos kier logra pa dentro di e 90 dianan aki tuma un decision definitivo riba Parkietenbos, unda cu ta para tur actividad na Parkietenbos”.

Esaki segun minister Oduber, kende a sigui bisa cu esey mester conduci cu dentro di 2 aña pa 2 aña y mey, por implementa un forma nobo di procesa sushi aki na Aruba.

El a sigui bisa cu mester bin un alternativa si pa ora cu dicidi di cera e dump di Parkietenbos.

 

 

- Advertisement -

DUNA COMENTARIO

Please enter your comment!
Please enter your name here