Home Gobierno A pidi conseho di DOW y DNM riba terenonan den desaroyo dilanti...

A pidi conseho di DOW y DNM riba terenonan den desaroyo dilanti Divi y Eagle Beach

103
0
SHARE
- Advertisement -

Minister Otmar Oduber a duna di conoce:

ORANJESTAD  (AAN):  Den e encuentro cu e team di maneho di DIP, Minister encarga cu Infrastructura y Medio Ambiente Otmar Oduber a pidi informacion pa loke ta trata e terenonan cu ta hopi den discusion den e ultimo dianan, esta e tereno dilanti di e hotel Divi y e tereno na Eagle Beach.

Specificamente e tereno dilanti di Divi Resort, por a mira midimento cu a tuma luga pa un tereno cu tin casi 40% di dje den ‘groen gebied’ esta, area destina pa keda naturalesa. “Mi a pidi conseho riba esaki pa haya mas informacion, a pesar di cu tin un acuerdo firma caba door di e Minister di Infrastructura anterior.”

Terenonan cu ta den ‘groengebied’, definitivamente mester pidi p’e consehonan necesario di DOW y di DNM prome cu continua cu e procesonan riba e terenonan aki. Mescos a mira e discusion riba un tereno na Eagle Beach unda cu un NV a hacie peticion pa un propiedad pa un hotel cu kier construi di 800 camber.

Minister Oduber ta sigui splica cu buscando mas informacion a compronde cu nan tambe a haya un acuerdo di Minister di Infrastructura anterior cu a wordo firma. Gobierno tin un beleid pa loke ta ‘algemeen  belang’, y terenonan cu ta den ‘groengebied’  ta di interes pa preservacion di nos mangrovenan. Pesey den ambos caso a pidi conseho adicional pa por haya un bista mas cla riba e discusion cu tin riba e terenonan aki.

Por a tuma nota cu tin masha hopi cos na DIP cu no a bay segun e reglanan. Paden den DIP no tin claridad riba kico si a wordo otorga na tereno caba (specialmente comercial), hopi cos tabata tuma luga na Bureau di e Minister, pa cual tabatin miembronan di e team di maneho cu ta pasa ‘fastball’ den e propio departamento aki.

Pa e motibo aki tambe entre otro, un di e tareanan di e team di maneho nobo di DIP ta pa por sondea e diferente casonan aki, ponenan riba un lista pa por notifica comunidad. Finalmente lo fiha un maneho pa futuro pa loke ta trata e terenonan ‘comercial controversial’ aki cu a wordo duna contra di e maneho cu ta rigi e ROP, Minister Oduber a termina.

 

- Advertisement -

DUNA COMENTARIO

Please enter your comment!
Please enter your name here