Home Hudicial A prolonga detencion di Mama y Padrastro di muchanan maltrata y mata

A prolonga detencion di Mama y Padrastro di muchanan maltrata y mata

663
0
SHARE
- Advertisement -

ORANJESTAD  (AAN):   Riba 4 di december 2017 huez comisario encarga cu casonan penal, a duna ordo pa prolonga detencion (bewaring y verlenging di bewaring) di e sospechoso G.A.C.M.

Esaki riba peticion di Ministerio Publico.

Tin sospecho fuerte cu M. a haci su mes culpable di complicidad di homicidio di Rishandroh di 5 aña di edad y tambe di complicidad di maltrato severo di Rishandroh, cu morto como consecuencia.

Alavez e ta wordo sospecha di complicidad di maltrato di Rishandro severamente varios biaha y durante un periodo largo di tempo.

Ademas e ta wordo sospecha di a haci su mes culpable di complicidad di homicidio di Eugene di 3 aña di edad, como tambe di complicidad di maltrato severo di Eugene, cu morto como consecuencia.

Den caso di Eugene mescos cu di su ruman Rishandroh, M. ta wordo sospecha di complicidad di maltrato severo varios biaha y durante un periodo largo di tempo.

Como e di cinco hecho M. ta wordo acusa pa awor cu el a maltrata su pareha pa tempo largo varios biaha.

  1. ta wordo alavez sospecha di a dera e curpa di Eugene cu e intencion pa evita cu su morto lo bira conoci.

Sinembargo, legalmente no ta posible pa detene un persona riba sospecho cu el a comete e hecho aki. Pa e motibo ey, e hecho aki no ta para den e acusacion.

E investigacion, cu a haya e nomber di ‘Speeltuin’, ta keto bay andando. Ta posible cu den e citacion final e sospechonan lo cambia.

 

 

Detencion di mama prolonga

 

Den oranan di atardi, DIARIO a haya un otro comunicado di prensa di OM indicando cu riba peticion di ministerio publico, huez comisario encarga cu casonan penal, a duna ordo tambe ayera 4 di December 2017 pa prolonga detencion (bewaring y verlenging di bewaring) di e sospechoso R.C.F., mama di Rishandroh y Eugene.

E sospechoso F. ta wordo sospecha di complicidad di homicidio di Rishandroh y Eugene, o sea maltrato severo di e dos muchanan, cu morto como consecuencia.

Tambe e ta wordo sospecha di complicidad di maltrato severo di e muchanan varios biaha pa un periodo largo di tempo.

Riba e acusacion contra dje ta para como ultimo hecho cu el a intencionalmente hiba of laga Rishandroh y Eugene den un estado desampara, cu morto como consecuencia.

E investigacion, cu a haya e nomber di ‘speeltuin’, ta den full swing. Ta posible cu den e citacion final e sospechonan lo wordo cambia y adapta.

 

 

 

 

 

- Advertisement -

DUNA COMENTARIO

Please enter your comment!
Please enter your name here